އެއްބައިވަންތަކަމުގެ ދުވަސް ފާހަގަ ކުރުމުގެ ގޮތުން ކުޅުދުއްފުށީގެ ބަނދަރުމަތި ސާފުކޮށްފި
އެއްބައިވަންތަކަމުގެ ދުވަހާ ގުޅުވައިގެން ހިންގި މުޅި ރާއްޖެ ސާފު ކުރުމުގެ ޕްރޮގުރާމްގެ ދަށުން ކުޅުދުއްފުށީގެ ބަނދަރު ސަރަހައްދު ސާފު ކޮށްފި އެވެ.
ހޯމް މިނިސްޓްރީން އިސްނައިގެން ކުރިއަށް ގެންދިޔަ ސާފު ކުރުމުގެ މި ޕްރޮގުރާމްގެ ދަށުން، ކުޅުދުއްފުށީގެ އޮޑި އެހެލާ ސަރަހައްދުން ފެށިގެން ސަރަހައްދީ ބަނދަރާ ހަމަ އަށް ސާފު ކޮށްފައި އެވެ.
ކުޅުދުއްފުށީގައި ހިންގި ސާފު ކުރުމުގެ ޕްރޮގްރާމްގައި ކުޅުދުއްފުށީގައި ހުންނަ ސަރުކާރުގެ ހުރިހާ މުއައްސަސާއަކާއި އަދި ބައެއް އަމިއްލަ ޖަމިއްޔާ، ޖަމާތަކުން ވަރަށް ފުރިހަމަ އަށް ބައިވެރިވެފައިވެ އެވެ.
ކައުންސިލްގެ ރައީސް އަލީ ހަސަން ވިދާޅުވީ ސާފުކުރުމުގެ މަސައްކަތް ކުރިއަށް ދިޔަ އިރު ކުޅުދުއްފުށީގެ ވިޔަފާރިވެރިންގެ ފަރާތުން ލިބުނު އެއްބަރުލުން ފާހަގަ ކުރާކަމަށެވެ.
މަގު ހަދާ ޔުނިޓްގެ 3 ވެހިކަލަކާއި އެމްއާރުޑީސީގެ ވެހިކަލެއް ސާފު ކުރުމުގެ މި ޕްރޮގުރާމްގައި ބޭނުން ކޮށްފައިވާ އިރު 6 ލޮރީގެ ކުނި އެސަރަހައްދުން އުކާލެވިފައި ވެއެވެ. އާންމު ގޮތެއްގައި އެސަރަހައްދުގައި ހުރީ ޕުލާސްޓިކް ކުންޏާއި ދަޅު އަދި ބިއްލޫރި ފުޅި ފަދަ ތަކެއްޗެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
