ގައުމީ ދުވަހުގެ ދިދަ ނެގުމުގެ ރަސްމިއްޔާތު ކުޅުދުއްފުށީގައި ބާއްވައިފި

ގައުމީ ދުވަހުގެ މުނާސަބަތުގައި ކޮންމެ އަހަރަކުވެސް ބާއްވާމުން އަންނަ ދިދަ ނެގުމުގެ ރަސްމިއްޔާތު ކުޅުދުއްފުށީގައި ވެސް މިއަދު ބާއްވައިފި އެވެ.

މިއަދު ހެނދުނު ހދ އަތޮޅު ކައުންސިލު އިދާރާގައި އޮތް ދިދަ ނެގުމުގެ ރަސްމިއްޔާތު ޝަރަފްވެރި ކޮށްދެއްވާ، ދިދަ ނަންގަވައިދެއްވީ ހދ އަތޮޅު ކައުންސިލުގެ ނައިބު ރައީސް ނަސްރުﷲ އިސްމާއީލެވެ.

ގައުމީ ދުވަހުގެ ދިދަ ނެގުމުގެ މި ރަސްމިއްޔާތުގައި ކުޅުދުއްފުށީގައި ހުންނަ ސަރުކާރުގެ މުއައްސަސާތަކުގެ ވެރިންނާއި މުވައްޒަފުން އަދި އާއްމުން ވަނީ ބައިވެރިވެފަ އެވެ.

ދުވަހުގެ މުނާސަބަތުގައި ރާއްޖޭގެ މީހުން އުޅޭ ހުރިހާ ރަށެއް ގައިވެސް ދިދަ ނެގުމުގެ ރަސްމިއްޔާތު މިއަދު ހެނދުނު ވަނީ ބާއްވާފައެވެ.