ދޮންދަރިޔަކަށް ޖިންސީ ގޯނާ ކުރިކަމުގެ ތުހުމަތުގައި ކުޅުދުއްފުށިން ފިރިހެނަކު ހައްޔަރު ކޮށްފި

ކުޑަ އަންހެން ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި އެކުއްޖާގެ ދޮން ބައްޕަ ހައްޔަރު ކޮށްފި އެވެ.

އުމުރު 6 އަހަރުގެ ކުޑަ އަންހެން ކުއްޖަކަށް ޖިންސީ ގޯނާ ކުރިކަމުގެ ތުހުމަތުގައި ހައްޔަރު ކޮށްފައިވަނީ ކުޅުދުއްފުށީ މީހެކެވެ.

ފުލުހުން ބުނީ ކުޑަ އަންހެން ކުއްޖަކަށް ޖިންސީ ގޯނާ ކުރިކަމުގެ ކުށުގައި ކުޅުދުއްފުށިން 34 އަހަރުގެ ފިރިހެނަކު މިހުސްވި ޑިސެމްބަރު މަހު 26 ވަނަ ދުވަހު ހައްޔަރު ކޮށްފައިވާ ކަމަށެވެ.

ކުޅުދުއްފުށީ މެޖިސްޓްރޭޓް ކޯޓުން އެމީހާގެ ބަންދުގެ މުއްދަތަށް 15 ދުވަސް ވަނީ ޖަހާދީފަ އެވެ.

ހައްޔަރުކުރި މީހާއާ ބެހޭ އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ.