ކުޅުދުއްފުށީ ކައުންސިލަށް ކުރިމަތިލާފައިވާ ކެނޑިޑޭޓުންގެ ތެރެއިން އަބްދުއްޝުކޫރު އަހުމަދު

ފުރިހަމަ ނަން:އަބްދުއްޝުކޫރު އަހުމަދު

އުމުރު: 30 އަހަރު

އެޑްރެސް:ކުރިނަންފިލާގެ، ހދ ކުޅުދުއްފުށި

ތައުލީމީ ފެންވަރާއި ތައުލީމު ހާސިލްކޮށްފައިވާ ތަންތަން:

 ހދ އަތޮޅު ތައުލީމީ މަރުކަޒު

މޯލްޑިވްސް ކޮލެޖް އޮފް ހަޔަރ އެޑިއުކޭޝަން (2 އަހަރު ދުވަހުގެ ކޯހެއް ފުރިހަމަ ކުރުން)

އިންސްޓިޓިއުޓު އޮފް ގަވަރނަންސް އެންޑް ޑިވެލޮޕްމެންޓް (ޑިވެލޮޕްމެންޓް މެނޭޖްމެންޓް)

އެމަރޖެންސީ މެނޭޖްމެންޓް ޓްރެއިނިންގ

ތިމާވެށީގެ ޤަވާއިދު ތަކާމެދު ކައުންސިލް އިދާރާތައް އަހުލުވެރި ކުރުމުގެ ޓްރެއިނިންގ.

ކުރިން އަދާކޮށްފައިވާ ވަޒީފާތަކާ ކުންފުނިތައް އަހަރާއެކު: އަމިއްލަ ވިޔަފާރީގެ މަސައްކަތް

މިހާރު އަދާކުރާ ވަޒީފާ: ކައުންސިލް މެމްބަރ، ހދ ކުޅުދުއްފުށީ ކައުންސިލް

މުޖްތަމައަށް ކޮށްދީފައިވާ ފައިދާހުރި މަސައްކަތްތައް:

ބައެއް ޖަމިއްޔާ ތަކާއި އެފަދަ ގުރޫޕްތަކުން ހިންގާ ޚަރަކާތްތަކުގައި އެހީތެރިކަން ފޯރުކޮށްދިނުން

ވޮލަންޓިއަރ މަސައްކަތް ކުރުން.

ސިޔާސީ ޕާޓީއަކާ ގުޅިފައިވާނަމަ ގުޅުނު އަހަރު:

2004 ވަނަ އަހަރު އެމްޑީޕީ އާ

 ކައުންސިލަރު ކަމަށް ކުރިމަތިލީ ކީއްވެ؟:

ރަށުގެ ތަރައްޤީއާއި ކުރިއެރުން ހޯދައިދިނުމަށް މަސައްކަތް ކުރުމުގެ މަގްސަދުގައި އަދި ރައްޔިތުންނަށް ޚިދުމަތްކޮށްދިނުމުގެ މަގްސަދުގައި

އަމިއްލަ ގޮތުން ނުވަތަ ސިޔާސީ ޕާޓީއަކާގުޅިގެން ކުރިމަތިލީ ކީއްވެ؟:

ގިނަ ބައެއްގެ އެއްބާރުލުމާއި އެހީތެރިކަން ހޯދުމަށް. އަދި ޑިމޮކްރަޓިކް ވެއްޓެއްގައި ސިޔާސީ ޕާޓީތަކުގެ ދައުރު ފުޅާކުރުމަށް.

ކައުންސިލަށް ހޮވަންވީ ކީއްވެ؟:

ރައްޔިތުންނަށް ޚިދުމަތްކުރުމުގައި ދެގޮތެއްނުވެ ސާބިތު ކަމާއެކު ދެމި ހުންނާތީ. އަދި ރައްޔިތުންގެ ވިސްނުމާއި އެއްގޮތަށް މަސައްކަތް ކުރާނެތީ. ރަށުގެ އާއްމު މަސްލަހަތު ހިފެހެއްޓުމަށް މަސައްކަތް ކުރާނެތީ.

ކައުންސިލަރު ކަމަށް ހޮވިއްޖެނަމަ އެންމެ އިސްކަންދޭނެ ކަންތައްތައް (ވައުދުތައް)

ސަރުކާރުން ކުޅުދުއްފުއްޓަށް ކޮށްދިނުމަށް ވެފައިވާ ވައުދުތައް ފުއްދުމުގައި އެހީތެރިވެދިނުން.

ސަރުކާރުން ވައުދުވެފައިވާ ކަންކަން ރައްޔިތުންނާއި ހަމައަށް ގެނެސްދިނުމަށް ބާރުއެޅުން.

ކައުންސިލްގެ މާލިއްޔަތު( ރަށުގެ މާލިއްޔަތު) މުއްސަނދި ކުރުމަށް މަސައްކަތް ކުރުން.

ރަށުގެ ބިންތައް ތަފާތު މަސައްކަތް ކުރުމަށް، ރަށުގެ މާލިއްޔަތަށް ފައިސާ ލިބޭގޮތަށް ކުއްޔަށް ދޫކުރުމަށް މަސައްކަތްކުރުން

ރަށުގެ ތައުލީމު ކުރިއެރުވުމަށް މަސައްކަތް ކުރުން

ޗަސްބިންތަކަށް ވެލިއެޅުމަށް މަސައްކަތް ކުރުން

މަސް މާރުކޭޓެއްގެ މުހިއްމުކަން ސަރުކާރަށް ހުށައަޅައިގެން މަސްމާރުކޭޓެއް ހޯދުމަށް މަސައްކަތް ކުރުން

ލޯކަލް މާރުކޭޓެއްގެ ބޭނުންތެރިކަން ސަރުކާރަށް ހުށައަޅައިގެން މާރުކޭޓެއް ޤާއިމްކުރުމަށް މަސައްކަތް ކުރުން.

ކުޑަކުދިންގެ ޕާކެއްގެ މުހިއްމުކަން ސަރުކާރަށް ހުށައެޅުން، އަދި ސަރުކާރުގެ ތެރެއިން އެކަން ހައްލުކޮށްދެވޭތޯ ބެލުން.

ރަށުތެރެ ސާފުކޮށް ބޭއްވުމަށް މަސައްކަތްކުރުން.

ސަރުކާރާއި ހެޔޮއެދޭ އެކިއެކި ފަރާތްތަކާއި ގުޅިގެން ކުޅުދުއްފުށި ތަރައްޤީ ކުރުމަށް މަސައްކަތް ކުރުން

އެޑިޓަރުގެ ނޯޓް

މިއީ މި މަހުގެ 18 ވަނަ ދުވަހު ބާއްވާ ލޯކަލް ކައުންސިލްގެ އިންތިހާބުގައި ކުޅުދުއްފުށީ ކައުންސިލަށާއި ހދ އަތޮޅު ކައުންސިލުގެ ކުޅުދުއްފުށީ ދެ ދާއިރާއަށް ކުރިމަތިލާފައިވާ ކެނޑިޑޭޓުންގެ މައުލޫމާތު ގެނެސްދިނުމުގެ މަގްސަދުގައި “ކުޅުދުއްފުށި އޮންލައިން” އިން ގެނެސްދޭ ހާއްސަ ބައެކެވެ. ކެނޑިޑޭޓުންނާ ބެހޭ މައުލޫމާތު ހޯދުމަށްޓަކައި ކޮންމެ ކެނޑިޑޭޓަކަށްވެސް މި ނޫހުން ތައްޔާރުކޮށްފައިވާ ސުވާލު ކަރުދާހެއް ވަނީ ހަވާލުކުރެވިފައެވެ.

ކުޅުދުއްފުށީ ކައުންސިލަށް ކުރިމަތިލާފައިވާ ކެނޑިޑޭޓުންގެ ތެރެއިން މި ދެންނެވި ސުވާލު ކަރުދާސް ފުރިހަމަކޮށްފައިވަނީ ނިސްބަތުން މަދު އަދަދެއްގެ ކެނޑިޑޭޓުންނެވެ.

ސުވާލުތައް އަމާޒުކޮށްފައިވާނީ ކެނޑިޑޭޓުންގެ އާންމު ވަނަވަރު އަދި ކެނޑިޑޭޓް ކައުންސިލަރުކަމަށް ކުރިމަތިލީ ބޭނުމާއި ކައުންސިލަށް ހޮވިއްޖެނަމަ ރަށަށް ކޮށްދޭނެ ކަންތައްތަކުގެ މައްޗަށެވެ. ސުވާލުތަކުގެ ޖަވާބުތައް ގެނެސްދީފައި އެވަނީ އެ ކެނޑިޑޭޓަކު ޖަވާބު ދިން ގޮތަށް އުނިއިތުރެއް ގެނައުމަކާ ނުލައެވެ.