ގިނަ ހިދުމަތްތަކެއް ލިބޭ އަންލިމިޓެޑް ޕޯސްޓްޕެއިޑް ޕެކޭޖްތަކެއް އުރީދޫއިން ތައާރަފްކޮށްފި

ޕެކޭޖްތަކަށް ބަދަލުތަކެއް ގެނައުމަށްފަހު ގިނަ ހިދުމަތްތަކެއް ލިބޭ ގޮތަށް އަންލިމިޓެޑް ޕޯސްޓްޕެއިޑް ޕެކޭޖްތަކެއް އުރީދޫއިން ތައާރަފްކޮށްފި އެވެ.

އުރީދޫ އިން ތައާރަފް ކުރި އަންލިމިޓެޑް ޕެކޭޖްތަކުގައި އަންލިމިޓެޑް ކޯލު، އެސްއެމްއެސް، ޑޭޓާ އެލަވަންސް، އަދި ރާއްޖޭން ބޭރަށް ގުޅުމަށް ޑިސްކައުންޓް ހިމެނެ އެވެ. މީގެ އިތުރުން ކަސްޓަމަރުންގެ ބޭނުންތަކަށް ޕެކޭޖްތައް ބަދަލު ކުރުމަށް އެކި އެޑްއޮންސްތައް ވަނީ ތައާރަފްކޮށްފަ އެވެ. މިގޮތުން ލިވް އަންލިމިޓެޑް އެޑްއެންސް، އުރީދޫ ޑޭޓާ އެޑްއޮންސް، މެސެޖިންގ އެޑްއޮންސް އަދި އިތުރު އައިޑީޑީ ކޯލް އެޑްއޮންސް ހިމެނެ އެވެ.

މިގޮތުން ތިން ޕެކޭޖެއް ވަނީ ތައާރަފް ކޮށްފަ އެވެ. އެއީ މަހަކު 499 ރުފިޔާ ދައްކަންޖެހޭ އުރީދޫ ޕޯސްޓްޕެއިޑް ގޯލްޑް 499، މަހަކު 749 ރުފިޔާ ދައްކަންޖެހޭ އުރީދޫ ޕޯސްޓްޕެއިޑް ޑައެމަންޑް 749 އަދި މަހު ފީއަކަށް 899 ރުފިޔާގެ އުރީދޫ ޕޯސްޓްޕެއިޑް ޕްލެޓިނަމް 899 ޕެކޭޖެވެ.

އުރީދޫ އިން މައުލޫމާތު ދޭގޮތުގައި މި ޕެކޭޖްތަކުން އުރީދޫގެ އެއް ނަންބަރުން އަނެއް ނަންބަރަށް ހިލޭ ގުޅާ އަދި އެސްއެމްއެސް ކުރެވޭނެ އެވެ. އަދި އިތުރު ކޯލްތަކަށް ހިލޭ މިނެޓް ލިބޭނެ އެވެ. މީގެ އިތުރުން 3.5 ޖީބީ ޑޭޓާ އެލަވަންސް ލިބޭނެ އެވެ. އަދި 55 ލާރިން ފެށިގެން އެންމެ ހެޔޮ ރޭޓުގައި ރާއްޖޭގެ ކޮންމެ ނަންބަރަކަށް ވެސް ގުޅާލެވޭނެ އެވެ. ރާއްޖޭން ބޭރުގެ ގައުމުތަކުގެ ތެރެއިން ޓޮޕް 5 ގައުމަށް ގުޅުމަށް %20 ޑިސްކައުންޓެއް ލިބޭއިރު އެހެނިހެން ގައުމުތަކަށް ގުޅުމަށް %10 ޑިސްކައުންޓް އަންލިމިޓެޑް ޕެކޭޖްތަކުން ލިބެއެވެ.