ކުޅުދުއްފުށީ ކައުންސިލަށް ކުރިމަތިލާފައިވާ ކެނޑިޑޭޓުންގެ ތެރެއިން މުޙައްމަދު ޢަބްދުއްރަހުމާނު

ފުރިހަމަ ނަން: މުހައްމަދު އަބްދުއްރަހްމާން

އާއްމުނަން: މުހައްމަދު (އޭއާރު)

އުމުރު:  34 އަހަރު

އެޑްރެސް:ނަޔާއާބާދު، ހދ ކުޅުދުއްފުށި

ތައުލީމީ ފެންވަރާއި ތައުލީމު ހާސިލްކޮށްފައިވާ ތަންތަން:

އޯލެވެލް

ހދ އަތޮޅު ތައުލީމީ މަރުކަޒު

މޯލްޑިވްސް ކޮލެޖް އޮފް ހަޔަރ އެޑިއުކޭޝަން

ކުރިން އަދާކޮށްފައިވާ ވަޒީފާތަކާ ކުންފުނިތައް އަހަރާއެކު: އިލެކްޓްރީޝަން (ކޮންރަޑް މޯލްޑިވްސްގައި 2003ގައި)

މެއިންޓަނަންސް، ކޮންރަޑް މޯލްޑިވްސް 2003ގައި

ޕްރެސިސަން މެރިން- އެގްޒެކްޓިވް އޮފިސަރ 2001

އަމިއްލަ މަސައްކަތް

މިހާރު އަދާކުރާ ވަޒީފާ: އަމިއްލަ މަސައްކަތް

އެމްޑީޕީ ޔޫތު ވިންގް ކުޅުދުއްފުށީ މަންދޫބު ނުވަތަ ފޯކަލް ޕޮއިންޓް

މުޖްތަމައަށް ކޮށްދީފައިވާ ފައިދާހުރި މަސައްކަތްތައް:

ރަށުގެ ތަރައްޤިީ އާއި އެހެނިހެން އިޖްތިމާއީ މަސައްކަތްތަކުގައި ބައިވެރިވެ މުޖްތަމައަށް ފައިދާހުރި ކަންކަން ކޮށްދީފައިވާނެ. މިސާލަކަށް ކުޑަކުދިންގެ ހަވީރު، އަދި ކުޅިވަރު ޕްރޮގްރާމް، ރަށުތެރެ ސާފު ކުރުން ފަދަ ކަންކަން ރާވާ ބައިވެރިވެފައިވާނެ.

އަދި ކުޅުދުއްފުށީ ތަރައްޤީގެ މަޝްރޫއުތަކާބެހޭ އެކްޝަން ޕްލޭން ތައްޔާރު ކުރުމުގައި އެހީތެރިކަން ދީފައިވާނެ.

ސިޔާސީ ޕާޓީއަކާ ގުޅިފައިވާނަމަ ގުޅުނު އަހަރު:

2005  ވަނަ އަހަރު އެމްޑީޕީއާ

ކައުންސިލަރު ކަމަށް ކުރިމަތިލީ ކީއްވެ؟:

މާތް ﷲ ގެ ވާގިފުޅާއެކު ރައްޔިތުންނާއި ރަށުގެ ތަރައްޤީއަށް މަސައްކަތް ކޮށްދިނުމުގެ މަގްސަދުގައި. އަދި އިޖްތިމާއީ ގުޅުންތައް ހަރުދަނާކޮށް ރައްޔިތުންނާ ގާތުން މަސައްކަތް ކުރުމުގެ ޝައުގުވެރިކަން ހުރި މީހަކަށްވުމާއެކު.

އަމިއްލަ ގޮތުން ނުވަތަ ސިޔާސީ ޕާޓީއަކާގުޅިގެން ކުރިމަތިލީ ކީއްވެ؟:

މިވަގުތު ސަރުކާރު ޖަވާބުދާރީ ކުރުވާނެ ޕާޓީއެއްގެ ގޮތުގައި އޮތް ހަމައެކަނި ޕާޓީއަކީ އެމްޑީޕީ ކަމަށްވެފައި 2005 ވަނަ އަހަރުން ފެށިގެން މިއަދާ ހަމައަށް މަސައްކަތްކުރި ޕާޓީ ކަމަށް ވާތީ

ކައުންސިލަށް ހޮވަންވީ ކީއްވެ؟:

ސަރުކާރާ ގުޅިގެން ރަށުގެ ލާބައާއި މަންފާއަށް މަސައްކަތް ކުރުމަށް އަދި މިހާރު ހުއްޓިފައިވާ ޕްރޮޖެކްޓްތައް އަދި އަންނަން ހުރި ޕްރޮޖެކްޓުތައް ބަލާ ސަރުކާރާ ގުޅިގެން މަސައްކަތް ކުރާނެ މީހަކަށްވާތީ. އަދި ލޯކަލް ގަވަރނަންސް ނިޒާމް ބާރުވެރި ކުރުވުމަށް މަސައްކަތް ކުރުމާއެކު މިކަމުގެ އިލްމާއި ހިލްމު ލިބިފައިހުރި ރަށުގެ ދަރިއަކަށްވާތީ

ކައުންސިލަރު ކަމަށް ހޮވިއްޖެނަމަ އެންމެ އިސްކަންދޭނެ ކަންތައްތައް (ވައުދުތައް)

މާތް ﷲ ގެ ވާގިފުޅާއެކު ތިޔަބޭފުޅުން އަޅުގަނޑު ހޮވައިދެއްވައިފިނަމަ:

އަސާސީ އަދި ޒަރޫރީ ބޭނުންތައް ރައްޔިތުންނަށް ފުއްދައި ދިނުމަށް މަސައްކަތްކުރުން.

ރަށުގެ މާލިއްޔާ މުއްސަނދި ކުރުމަށް މަސައްކަތް ކުރުން.

ވޭސްޓް މެނޭޖްމަންޓް ޕްރޮގްރާމް ހަރުދަނާ ކުރުން.

ބޯހިޔާވަހިކަން ބޭނުންވެފައިތިބި ރައްޔިތުންނަށް އެފުރުސަތު ހޯދާދިނުމަށް މަސައްކަތް ކުރުން.

ކުޅުދުއްފުށި ސިޓީއަކަށް ބަދަލުކުރުމާއި އެދަރަޖަ ރަށަށް ހޯދުމަށް ސަރުކާރާއެކު މަސައްކަތް ކުރުން.

ސިއްހީ ނިޒާމް ހަރުދަނާ ކުރުމުގައި ސަރުކާރާއެކު މަސައްކަތް ކުރުމާއި މަދިރި ނައްތާލުމުގެ ޕްރޮގްރާމް ދެމެހެއްޓެނިވި ގޮތަކަށް ކުރުން.