ލޯކަލް ކައުންސިލް އިންތިހާބުގެ ވޯޓުލުން ކުޅުދުއްފުށީގައި ފެށިގެން ކުރިއަށް އެބަދޭ

ލޯކަލް ކައުންސިލް އިންތިހާބުގެ ވޯޓުލުން ކުޅުދުއްފުށީގައި ފެށިގެން ކުރިއަށް އެބަދެ އެވެ.

މިއިންތިހާބުގައި ކުޅުދުއްފުށީގައި 8 ވޯޓެއް ފޮއްޓެއް ވަނީ ބެހެއްޓިފަ އެވެ. ކުޅުދުއްފުށީގައި ވޯޓު ފޮށިތައް ބެހެއްޓިފައިވަނީ ކުޅުދުއްފުށީ ކެމްޕަސް، ތައުލީމީ މަރުކަޒުގަ ހުންނަ ޓީއާރުސީ ، އަމީރު އަމީން ސްކޫލު، އިރުމަތި އަވަށު ޕްރީ ސްކޫލުގެ އިތުރުން ޖަލާލުއްދީން ސްކޫލާއި އަފީފުއްދީން ސްކޫލުގައި ވޯޓު ލުމަށް 2 ފޮށި ބެހެއްޓިފައިވެ އެވެ.

މިއިންތިހާބުގައި ކުޅުދުއްފުށީ ރަށު ކައުންސިލަށް 19 ކެންޑިޑޭޓުން ކުރިމަތިލާފައި ވާއިރު ހދ އަތޮޅުގެ ކުޅުދުއްފުށީގެ ދެ ދާއިރާ އަށް 9 ކެންޑިޑޭޓުން ވާދަ ކުރެ އެވެ. ކައުންސިލް އިންތިހާބުގެ ވޯޓުލުމުގެ ޝަރުތު ހަމަވާ 6052 މީހުން ކުޅުދުއްފުށީގައި އެބަތިއްބެވެ. ވޯޓު ލުމަށްޓަކައި ކުޅުދުއްފުށީގައި 36 ދާއިރާ އަކުން މީހުން ވަނީ ރަޖިސްޓްރީ ކުރެވިފަ އެވެ.