ކުޅުދުއްފުށި ކައުންސިލްގެ ސާފު އަޣުލަބިއްޔަތު އެއްވެސް ޕާޓީއަކަށް ނުލިބުނު

މިއަދު ބޭއްވުނު ލޯކަލް ކައުންސިލް އިންތިހާބުގައި ކުޅުދުއްފުށީ ކައުންސިލްގެ ސާފު އަޣުލަބިއްޔަތު އެއްވެސް ޕާޓީއަކަށް ނުލިބުންކަމަށް އިންތިހާބުގެ ވަގުތީ ނަތީޖާއިން ދައްކައިފި އެވެ.

ކުޅުދުއްފުށީ ކައުންސިލަށް މެމްބަރުން ހޮވުމަށް ވޯޓުލުމަށް ކުޅުދުއްފުށީގައި ބެހެއްޓުނު 8 ވޯޓު ފޮށީގެ ވަގުތީ ނަތީޖާ ތަކަށް ބަލާއިރު އެމްޑީޕީއަށް 3 ގޮނޑި ލިބުނުއިރު ޖުމްހޫރީ ޕާޓީއަށާއި ޕީޕީއެމްއަށް ލިބިފައިވަނީ ކޮންމެ ޕާޓީއަކަށް 1 ގޮނޑިއެވެ. ބާކީ 2 ގޮނޑި ލިބިފައިވަނީ މިނިވަން ކެންޑިޑޭޓުންނަށެވެ.

ނަތީޖާތަކަށް ބަލާއިރު އެންމެ ގިނަ ވޯޓު ލިބުނީ މިނިވަން ކެންޑިޑޭޓް އިބްރާހިމް އައްބާސަށެވެ. އޭނަ އަށް 1035 ވޯޓު ލިބިފައިވެއެވެ. ދެވަނަ ލިބުނު ޕީޕީއެމްގެ ކެންޑިޑޭޓު އައިމިނަތު މަޖީދާއަށް 924 ވޯޓު ލިބިފައިވާ އިރު 842 ވޯޓާއެކު ތިންވަނަ އަށް އެންމެ ގިނަ ވޯޓު ލިބިފައިވަނީ އެމްޑީޕީގެ ކެންޑިޑޭޓު މުހައްމަދު އައިމަނަށެވެ.

ޖޭޕީގެ ޓިކެޓެއްގައި ކައުންސިލަށް ވާދަކުރި އިބުރާހިމް ހަސަނަަށް 781 ވޯޓު ލިބިގެން 4 ވަނަ ލިބުނުއިރު ފަސްވަނަ އަށް އެންމެ ގިނަ ވޯޓު ލިބިފައިވަނީ އެމްޑީޕީގެ ކެންޑިޑޭޓު އަލީ މުހައްމަދަށެވެ. އޭނަ އަށް 753 ވޯޓު ލިބިފައިވެ އެވެ. 6 ވަނަ ލިބުނު އެމްޑީޕީގެ ކެންޑިޑޭޓު އަލީ ހާޝިމަށް 744 ވޯޓު ލިބިފައިވާއިރު 7 ވަނަ އަށް އެންމެ ގިނަ ވޯޓު ލިބިފައިވަނީ އަމިއްލަ ގޮތުން ކައުންސިލަށް ކުރިމަތިލި ޝިއުނާ އާދަމަށެވެ. އޭނާ އަށް ލިބިފައިވަނީ 740 ވޯޓެވެ.

އެންމެ މަދުން ވޯޓު ލިބިފައިވަނީ އަމިއްލަ ގޮތުން ރަށު ކައުންސިލަށް ކުރިމަތި އަބުދުލް ހަމީދު މޫސާ އައެވެ. އޭނާ އަށް ލިބިފައިވަނީ 332 ވޯޓެވެ.

ކުޅުދުއްފުށީގައި ބެހެއްޓުނު ވޯޓު ފޮށިތަކަށް 15755 ވޯޓު ލާފައިވާ އިރު ބާތިލު ވޯޓުގެ ގޮތުގައި 2942 ވޯޓެއް ވަނީ ގުނާފަ އެވެ.