ކުޅުދުއްފުށީ ވަޑާންގެއަކުން ނަގާފައިވާ ތަކެތި ހޯދައި 2 މީހަކު ފުލުހުންގެ ބެލުމުގެ ދަށަށް

ކުޅުދުއްފުށީ ވަޑާން ގެއަކުން ވަގަށް ނަގާފައިވާ ތަކެތި ހޯދައި އެކަމުގެ ތުހުމަތުގައި ދެ މީހަކު ހައްޔަރު ކޮށްފި އެވެ.

މި ދެމީހުންނަކީ މިދިޔަ އަހަރުގެ އޮކްޓޯބަރު މަހުގެ 20 ވަނަ ދުވަހު ފުލުހުންނަށް ވަޑާން ގެއަކުން އިލެކްޓްރޯނިކް ސާމާނުތަކެއް ވަގަށް ނަގާފައިވާކަމަށް ހުށަހެޅުނު މައްސަލައަކާ ގުޅިގެން ހައްޔަރު ކުރެވުނު ދެމީހުން ކަމަށް ފުލުހުން މައުލޫމާތު ދެއްވަ އެވެ. އެއީ 31 އަހަރުގެ ފިރިހެނަކާއި 30 އަހަރުގެ ފިރިހެނެކެވެ. އެގޮތުން ހައްޔަރު ކުރެވުނު 30 އަހަރުގެ މީހާ ހައްޔަރު ކުރެވުނީ މިދިޔަ ފެބުރުއަރީ މަހުގެ 20 ވަނަ ދުވަހު ކަމަށާއި 30 އަހަރުގެ މީހާ ހައްޔަރު ކުރެވުނީ ހަމަ އެމަހުގެ 27 ވަނަ ދުވަހު ކަމަށް ފުލުހުން ހާމަކުރައްވަ އެވެ.

މިމީހުންނާމެދު ގޮތެއް ނިންމުމަށްޓަކައި ކުޅުދުއްފުށީ ކޯޓަށް ހާޒިރު ކުރެވުމުން ބަންދުގެ ގޮތުގައި 15 ދުވަހުގެ މުއްދަތެއް ވަނީ ދެވިފަ އެވެ. އަދި ކުޅުދުއްފުށީ ޕޮލިސް ސްޓޭޝަނުން ދަނީ މި މައްސަލަ އިތުރަށް ތަހުގީގު ކުރަމުންނެވެ.