ކުރީގެ ކައުންސިލްގެ ދައުރު ހަމަނުވާތީ ނޮޅިވަރަންފަރު ކައުންސިލަރުންނަށް ހުވާނުކުރެވިފައި!
ހދ ނޮޅިވަރަންފަރުގެ ކުރީގެ ކައުންސިލުގެ ދައުރު ހަމަނުވާތީ އައު ދައުރަކަށް ހޮވިފައިވާ ކައުންސިލަރުންނަށް ހުވާ ނުކުރެވިފައިވާ ކަމަށް އެރަށުގެ ކައުންސިލު އިދާރާއިން ބުނެފި އެވެ.
ލޯކަލް ގަވަރުމެންޓް އޮތޯރިޓީގެ ގާނޫނުގެ ދަށުން އެ ރަށުގައި ފުރަތަމަ އިންތިހާބު ކުރެވުނު ކައުންސިލަރުން ހުވާ ކުރެވިފައިވަނީ އެއްމަސް ފަހުންނެވެ.
ނޮޅިވަރަންފަރު ކައުންސިލުގެ ޒިންމާދާރު ވެރިޔާ ހުސެއިން އަބްދުއްﷲ ވިދާޅުވީ އައު ދައުރަކަށް ހޮވުނު ކައުންސިލު ހުވާ ނުކުރެވި ތިބީ ނޮޅިވަރަންފަރު ކުރީ ދާއިރާގެ ދައުރު ހަމަނުވެ ވާތީ ކަމަށެވެ.
ނޮޅިވަރަންފަރުގެ އައު ދައުރަކަށް ހޮވުނު ކައުންސިލަރުންނަށް ހުވާ ނުކުރެވިވަނީ ޕީޕީއެމްގެ ކައުންސިލަރު މުހައްމަދު ސަލީމް ދައުރު ހަމަނުވާކަމަށް ވިދާޅުވެ އިސްތިއުފާ ނުދެއްވުމުންނެވެ. އެ ކައުންސިލުގައި ކުރިން ތިއްބެވި އަނެއް ހަތަރު ކައުންސިލަރުންގެ ތެރެއިން އެކަކު ވަނީ ހދ. އަތޮޅު ކައުންސިލަށް ހޮވިފަ އެވެ. އަދި އެއް ކައުންސިލަރަކު ދައުރު ހަމަވުމުގެ ކުރިން އިސްތިއުފާ ދެއްވާފައިވާއިރު އަނެއް ދެ ކައުންސިލަރު ވަނީ މިދިޔަ މަހު އިސްތިއުފާ ދެއްވާފަ އެވެ.
އައު ދައުރަކަށް އިންތިހާބުވި މެންބަރުން ހުވާ ކުރައްވާނީ މާޗް މަހުގެ 26 ވަނަ ދުވަހު ކަމަށް ވެސް އެފަރާތުން މައުލޫމާތު ދެއްވަ އެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
