ފުލުހުން އިންތިޒާމުކޮށްގެން އަނެއްކާވެސް ކުޅުދުއްފުށީގައި ހޭލުންތެރިކުރުމުގެ ޕުރޮގުރާމެއް ހިންގައިފި

ފުލުހުން އިންތިޒާމު ކޮށްގެން ކަސްޓަމްސް އޮފިސަރުންނަށް ޓްރެފިކް ހޭލުންތެރިކުރުމުގެ ޕުރޮގުރާމެއް ކުޅުދުއްފުށީގައި ހިންގައިފި އެވެ.

4 މާރޗްގައި ބޭއްވުނު މި ޕުރޮގުރާމުގައި އެއްގަމު ދަތުރު ފަތުރުކުރުމާ ބެހޭ ގާނޫނު، ގާނޫނު ނަންބަރު 5/2009 އާ ބެހޭ މައުލޫމާތު ދެވިފައިވާ ކަމަށް ޕޮލިހުން ހާމަކުރައްވަ އެވެ. އަދި މި ސެޝަނުގައި ޓްރެފިކް މައްސަލަތަކަކީ ކޮބައިކަމާއި އެމައްސަލަތައް މަދުކުރުމަށް ކުރެވިދާނެ ކަންތައްތަކަކީ ކޮބައިކަމާ ބެހޭގޮތުން މައުލޫމާތު ދީފައިވާނެ ކަމަށް އެފަރާތުން މައުލޫމާތު ދެއްވަ އެވެ.

ކުށްމަދު އަމާން މުޖްތަމައު އެއް ގާއިމްކުރަން ފުލުހުން ކުރަމުންދާ މަސައްކަތުގެ ތެރެއިން ހދ.ކުޅުދުއްފުށީ ކަސްޓަމްސް އިދާރާގައި ހިންގި މި ޕުރޮގުރާމުގައި މައުލޫމާތު ދެއްވީ ކުޅުދުއްފުށި ޕޮލިސް ސްޓޭޝަނުގެ އިންޗާރޖް ޕޮލިސް ސްޓާފް ސަރޖަންޓް މުޙައްމަދު ޙަސަނެވެ.

މިއީ ރައްޔިތުން ހޭލުންތެރިކުރުމަށް ކުޅުދުއްފުށީ ޕޮލިސް ސްޓޭޝަނުން ހިންގާ ސިލްސިލާ ޕްރޮގުރާމުގެ ތެރެއިން ކުރިއަށް ގެންދިޔަ މައުލޫމާތު ދިނުމުގެ ސެޝަނެކެވެ.