ނަފްސާނީ ބަލިތަކަށް ހާއްސަ ޑޮކްޓަރެއް ކުޅުދުއްފުށީ ހީލިންގ ކެއާރ މެޑިކަލު ކްލިނިކަށް އަންނަނީ!

ނަފްސާނީ ބަލިތަކަށް ހާއްސަ ޑޮކްޓަރެއް ކުޅުދުއްފުށީ ހީލިންގ ކެއާރ މެޑިކަލް ކުލިނިކުގައި ބަލިމީހުން ބަލަން ހަމަޖެހިފައިވާ ކަމަށް އެ ކްލިނިކުން ބުނެފި އެވެ.

މި މަހު 14 އަދި 15 ގައި ބަލިމީހުން ބަލަން ހަމަޖެހިފައި ވަނީ އައިޖީއެމްއެޗްގެ ސައިކޭޓްރިސްޓެއް ކަމަށްވާ ޑރ. ޝަނޫހާ މަންސޫރެވެ. އޭނާ އަކީ އެމްބީބީއެސް އަދި ސައިކޭޓްރީގެ ރޮނގުން މާސްޓާރސް ހައްދަވާފައިވާ ޑޮކްޓަރެކެވެ.

ޑރ. ޝަނޫހާ ފަރުވާ ދެއްވަން ހަމަޖެހިފައިވާ ނަފްސާނީ ބަލިތަކުގެ ތެރޭގައި ބިރުގަތުމާއި ނިދި މަދުވުން، ކަންކަމާ ދެރަވެ ފިކުރު ބޮޑުވުން އަދި ސަމާލުކަން ދޭން އުނދަގޫވުމާއި އުމުރުން ދުވަސްވުމުން އުޅުމަށް އަންނަ ބަދަލުތައް ފަދަ ނަފްސާނީ ބަލިތަކަށެވެ.

އެޕޮއިންޓްމަންޓް ހެދުމަށާއި އިތުރު މައުލޫމާތު ސާފުކުރުމަށް ހީލިންގ ކެއަރ މެޑިކަލް ސެންޓަރުގެ ނަންބަރު 9693535 ނުވަތަ 7577818 ގުޅުމަށް އެ ކްލިނިކުން އެދިލައްވައެވެ.

ހީލިންގ ކެއަރ މެޑިކަލް ސެންޓަރަކީ ތަފާތު އެކި ބަލިތަކަށް ހާއްސަ ޑޮކްޓަރުންނާއެކު ކުޅުދުއްފުށީ މަތިވަރު ގޭގައި ހިންގާ ކްލިނިކެކެވެ.