ދިރާގުން ރާއްޖޭގެ އެންމެ ހަލުވި އިންޓަނެޓް ޕެކޭޖު ތައާރަފް ކޮށްފި

ދިރާގުން ޕްރޯ އަންލިމިޓެޑް 15އެމްގެ ނަމުގައި ރާއްޖޭގެ އެންމެ ހަލުވި އިންޓަނެޓް ޕެކޭޖު ތައާރަފް ކޮށްފި އެވެ.

ދިރާގުން މައުލޫމާތު ދޭ ގޮތުގައި މި ޕެކޭޖުގެ ޑައުންލޯޑު ސްޕީޑަކީ 15އެމްބީ އެވެ. އަދި މި ޕެކޭޖް އެންމެ 1690ރ އަށް ލިބެން ހުންނާނެ އެވެ.

މީގެ އިތުރުން ދިރާގުން ވަނީ 5 އެމްބީ ޑައުންލޯޑް ސްޕީޑް ލިބޭ ޕެކޭޖެއް ވެސް ތައާރަފް ކޮށްފައެވެ. ޕްރޯ އަންލިމިޓެޑް 5އެމް ގައި 5އެމްބީ.ޕީ.އެސް ގެ ސްޕީޑެއް ލިބޭނެ ކަމަށާއި މި ޕެކޭޖު 1490ރ އަށް ލިބެން ހުންނާނެ އެވެ.

ދިރާގުން މައުލާމާތު ދޭގޮތުގައި ޕްރޯ އަންލިމިޓެޑް 3އެމް، ޕްރޯ އަންލިމިޓެޑް 2އެމް އަދި ޕްރޯ އަންލިމިޓެޑް 1އެމްގެ އިތުރުން ހޯމް އަންލިމިޓެޑް ޕެކޭޖްވެސް ލިބެން ހުންނާނެ އެވެ. 3އެމްބީ.ޕީ.އެސްގެ ޕެކޭޖު ލިބެން ހުންނާނީ 1190ރ އަށެވެ. އަދި 2އެމްބީ އަދި 1އެމްބީގެ ޕެކޭޖުތައް ލިބެން ހުންނާނީ 990ރ އަދި 790ރ އަށެވެ. ހޯމް އަންލިމިޓެޑް ޕެކޭޖަކީ އެންމެ 690ރ އަށް ލިބެން ހުންނަ 512ކޭބީ.ޕީ.އެސްގެ ޕެކޭޖެކެވެ.

މި ހުރިހާ ޕެކޭޖުތަކަކީވެސް މަހުފީގެ އިތުރުން ބިލަށް އެއްވެސް ފައިސާއެއް ދައްކަން ނުޖެހޭ ޕެކޭޖު ތަކެކެވެ