“ބޮޑު އީދެއް” ހެން ކެމްޕެއިން ހަރަކާތްތައް ކުޅުދުއްފުށީގައި ކުރިއަށް ގެންގޮސް ނިންމާލައިފި

މާދަމާ ބާއްވަން ހަމަޖެހިފައިވާ 18 ވަނަ ރައްޔިތުންގެ މަޖިލީހުގެ އިންތިހާބުގެ ކެމްޕެއިން ހަރަކާތްތައް ” ބޮޑު އީދެއް” ހެން ކުޅުދުއްފުށީގައި ކުރިއަށް ގެންގޮސް ނިންމާލައިފި އެވެ.

ކުޅުދުއްފުށީގެ ދެދާއިރާ އަށް 8 ކެންޑިޑޭޓުން ވާދަކުރާއިރު ހުރިހާ ކެންޑިޑޭޓުން ހެން ވަނީ މިއަދު ކެމްޕެއިން ނިންމުމުގެ ގޮތުން ތަފާތު ހަރަކާތްތައް ކުރިއަށް ގެންގޮސްފަ އެވެ. އަދި ބައެއް ކެންޑިޑޭޓުން އިއްޔެ ވެސް ވަނީ ކެމްޕެއިން ނިމުމުގެ ގޮތުން ހަރަކާތްތައް ކުރިއަށް ގެންގޮސްފަ އެވެ.

އެގޮތުން ބައެއް 2 ކެންޑިޑޭޓަކު ވެހިކަލް ބުރު ބާއްވާފައިވާ އިރު އަނެއް ބައެއް ކެންޑިޑޭޓުން ކަންމަތީ ބައްދަލުވުން ތައް ރަށުގެ އެކި ހިސާބު ތަކުގައި ވަނީ ކުރިއަށް ގެންގޮސްފަ އެވެ. އަދި 3 ކެންޑިޑޭޓަކު ވަނީ ކުޑަ ކުދިންގެ ހަވީރު ބާއްވާފަ އެވެ.

ކެމްޕެއިން ހަރަކާތްތައް ކިތަންމެ ފޯރިއާއެކު ކުރިއަށް ދިޔަނަމަވެސް ކުޅުދުއްފުށީގައި އެއްވެސް ހަމަނުޖެހުމެއް ހިނގާފައެއް ނުވެ އެވެ.