ކުޅުދުއްފުށީ އުތުރު ދާއިރާގެ ގޮނޑި މިހާރުގެވެސް މެމްބަރު ޣަފޫރަށް!

އިއްޔެ ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގައި ކުޅުދުއްފުށީ އުތުރު ދާއިރާގެ ގޮނޑި އެމްޑީޕީގެ ކެނޑިޑޭޓް އަބްދުލް ޣަފޫރު މޫސާއަށް ގާތްގަނޑަކަށް ކަށަވަރު ވެއްޖެ އެވެ.

ކުޅުދުއްފުށި އޮންލައިނަށް ލިބިފައިވާ ވަގުތީ ނަތީޖާ ދައްކާ ގޮތުން އަބްދުލް ޣަފޫރު މޫސާއަށް މިހާތަނަށް ލިބިފައިވަނީ 1098 ވޯޓެވެ. ޣަފޫރާ އެންމެ ވާދަވެރި ކެނޑިޑޭޓް ޖޭޕީގެ ނަސްރުﷲ އަށް ލިބިފައިވަނީ 1047 ވޯޓެވެ. މި ނޫހަށް އެނގިފައިވާ ގޮތުގައި މިހާތަނަށް އެ ދާއިރާއިން ނުގުނާ 47 ވޯޓު އަދި އެބައޮތެވެ.

އެ 47 ވޯޓު ނަސްރުﷲ އަށް ލިބުނު ކަމުގައި ވީނަމަވެސް ނަސްރުﷲ އަށް ލިބޭނީ 1094 ވޯޓެވެ.

ކުޅުދުއްފުށީ އުތުރު ދާއިރާގެ ރައްޔިތުން ގިނަ އަދަދެއްގެ ރަށްރަށަށް ވޯޓުލާން ރަޖިސްޓްރީ ކޮށްފައިވާއިރު އެ ރަށްރަށުން ފޮނުވާފައިވާ ވޯޓުގެ ނަތީޖާ ޝީޓުތައް އަދި ޔަގީން ކުރެވޭ ގޮތެއް ނުވެއެވެ.

އެހެންކަމުން މިހާރުގެ ވަގުތީ ނަތީޖާތައް ދައްކާގޮތުން މިހާރުގެވެސް މެމްބަރު ޣަފޫރު ގޮނޑި ކާމިޔާބު ކުރައްވާނެކަން ވަނީ ކަށަވަރުވެފައެވެ.

(ތަފްސީލް އަންނަނީ(