މަސްތުވާތަކެތިކަމަށް ޝައްކުކުރެވޭ އެއްޗެއް އަޅާފައިހުރި ކަރުދާސް ގަނޑަކާއެކު ކުޅުދުއްފުށިން މީހަކު ހައްޔަރުކޮށްފި
މަސްތުވާތަކެތިކަމަށް ޝައްކުކުރެވޭ އެއްޗެއް އަޅާފައި ހުރި ކަރުދާސް ގަނޑަކާ އެކު ކުޅުދުށްފުށިން މީހަކު ހައްޔަރު ކޮށްފި އެވެ.
ފުލުހުންގެ ވެބްސައިޓުގައި ބުނެފައިވާ ގޮތުގައި ކުޅުދުއްފުށިން ހައްޔަރު ކޮށްފައިވަނީ އުމުރުން 36 އަހަރުގެ ފިރިހެނެކެވެ. އެމީހާއާ ބެހޭ އިތުރު ތަފްސީލެއް ފުލުހުން އަދި އާންމުކޮށްފައެއް ނުވެއެވެ.
ފުލުހުން މައުލޫމާތު ދޭ ގޮތުގައި މަސްތުވާތަކެތިކަމަށް ޝައްކުކުރެވޭ އެއްޗެއް އަޅާފައި ހުރި ކަރުދާސް ގަނޑަކާ އެކު މި މީހާ ހައްޔަރު ކޮށްފައިވަނީ ފުލުހުންގެ އިންޓެލިޖެންސާއި ކުޅުދުއްފުށީ ޕޮލިސް ގުޅިގެން ހިންގި ހާއްސަ އޮޕަރޭޝަނެއްގައި މި މަހުގެ 22 ވަނަ ދުވަހުގެ ރެއެވެ.
“މަސްތުވާތަކެތި ކަމަށް ޝައްކުކުރެވޭ އެއްޗެއް އަޅާފައިހުރި ކަރުދާސްގަނޑު ފެނިފައިވަނީ މި މީހާ ދުއްވި ސައިކަލްގެ މަޑި ދަށުން” ފުލުހުންގެ ހަބަރުގައި ވެއެވެ.
ފުލުހުން ބުނީ އެ މީހާ ހައްޔަރުކޮށްފައިވަނީ މަސްތުވާތަކެއްޗާ ދެކޮޅަށް ފުލުހުން ކުރަމުންދާ ބުރަ މަސައްކަތުގެ ތެރެއިން ކަމަށެވެ.
އަދި މި މައްސަލަ މިހާރު ކުޅުދުއްފުށީ ޕޮލިސް ސްޓޭޝަނުން އިތުރަށް ތަހުގީގު ކުރަމުން އަންނަ ކަމަށް ފުލުހުން މައުލޫމާތު ދެއެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
