ކުޑަ އަންހެންކުޖަކަށް ބަރަހަނާ މަންޒަރު ދައްކައި ބަރަހަނާވި މީހަކު ކުޅުދުއްފުށިން ހައްޔަރުކޮށްފި

އުމުރުން 12 އަހަރުގެ އަންހެން ކުއްޖަކަށް ބަރަހަނާ މަންޒަރުތަކެއް ދައްކައި، އެކުއްޖާ ކުރިމަތީގައި އަމިއްލައަށް ބަރަހަނާވި މީހަކު ކުޅުދުއްފުށިން ހައްޔަރު ކޮށްފި އެވެ.

ފުލުހުން ބުނީ އެ މައްސަލައިގައި ކުޅުދުއްފުށިން ހައްޔަރުކޮށްފައިވަނީ 40 އަހަރުގެ ފިރިހެނެއް ކަމަށެވެ. އެހެންނަމަވެސް ހައްޔަރުކުރި މީހާއާ ބެހޭ އިތުރު މައުލޫމާތެއް ފުލުހުން އާންމުކޮށްފައެއް ނުވެއެވެ.

ކުޑަ އަންހެންކުއްޖަކަށް ބަރަހަނާ މަންޒަރުތަކެއް ދައްކާ އަމިއްލައަށް އެ ކުއްޖާގެ ކުރިމަތީގައި ބަރަހަނާވި އެ މީހާ ހައްޔަރުކޮށްފައިވަނީ ރޭ 21:30 ހާއިރު ކޯޓު އަމުރެއްގެ ދަށުން ކަމަށް ފުލުހުން ބުންޏެވެ.

މި މައްސަލަ ކުޅުދުއްފުށީ ޕޮލިސް ސްޓޭޝަނުން މިހާރު ތަހުގީގު ކުރަމުން އަންނަ ކަމަށް ފުލުހުން މައުލޫމާތު ދެއެވެ.