ކުޑަ އަންހެން ކުއްޖަކަށް ބަރަހަނާ މަންޒަރު ދައްކައި ބަރަހަނާވި މީހާގެ ބަންދަށް 15 ދުވަސް ޖަހައިފި

އުމުރުން 12 އަހަރުގެ އަންހެން ކުއްޖަކަށް ބަރަހަނާ މަންޒަރުތަކެއް ދައްކައި، އެކުއްޖާ ކުރިމަތީގައި އަމިއްލައަށް ބަރަހަނާވި މައްސަލައިގައި ހައްޔަރުކުރި މީހާގެ ބަންދުގެ މުއްދަތު ކުޅުދުއްފުށީ މެޖިސްޓްރޭޓް ކޯޓުން މިއަދު އިތުރުކޮށްފި އެވެ.

މި ނޫހަށް އެނގިފައިވާ ގޮތުގައި މި މައްސަލައިގައި ހައްޔަރުކޮށްފައިވަނީ ކުޅުދުއްފުށީ، ދިލާސާގެ، ހަސަން އަލީ (40އ) އެވެ.

އޭނާގެ ބަންދުގެ މުއްދަތަށް 15 ދުވަސް ވަނީ އިތުރުކޮށްފައެވެ.

ބަރަހަނާ މަންޒަރުތަކެއް ދައްކައި، އެކުއްޖާ ކުރިމަތީގައި އަމިއްލައަށް ބަރަހަނާވި މީހާ ހައްޔަރުކޮށްފައިވަނީ ރޭ 21:30 ހާއިރު ކޯޓު އަމުރެއްގެ ދަށުން ކަމަށް ފުލުހުން ބުންޏެވެ.

މި މައްސަލަ ކުޅުދުއްފުށީ ޕޮލިސް ސްޓޭޝަނުން މިހާރު ތަހުގީގު ކުރަމުން އަންނަ ކަމަށް ފުލުހުން މައުލޫމާތު ދެއެވެ.