ކުޑަ ދެ އަންހެން ކުދިންނާއެކު ޖިންސީ އަމަލު ހިންގި ކުޅުދުއްފުށީ މީހަކު 10 އަހަރަށް ޖަލަށްލުމަށް ހުކުމް ކޮށްފި
ހަތް އަހަރުގެ ދެ އަންހެން ކުދިންނާ އެކި ދުވަސް މަތިން ޖިންސީ އަމަލު ހިންގަމުން ދިޔަ ކުޅުދުއްފުށީ މީހަކު 10 އަހަރަށް ޖަލަށްލުމަށް ހދ. ކުޅުދުއްފުށީ މެޖިސްޓްރޭޓް ކޯޓުން މިއަދު ހުކުމް ކޮށްފި އެވެ.
އެ ހުކުމް ކޮށްފައި ވަނީ މުހައްމަދު ހުސައިން، (78) ކޮށީގޭގެ މައްޗަށެވެ.
ކުޅުދުއްފުށީ ކޯޓުގެ ހުކުމްގައި ބުނެފައި ވަނީ އެ ދެ ކުދިންގެ ތެރެއިން އެއްކުއްޖަކާ އޭނާ ޖިންސީ އަމަލު ހިންގާފައި ވަނީ 2012 ވަނަ އަހަރުގެ އޭޕްރީލް މަހުގެ ތެރޭގައި ތަފާތު އެކި ދުވަސް މަތިން ކަމަށެވެ. އަދި އަނެއް ކުއްޖާއާ ޖިންސީ އަމަލު ހިންގާފައި ވަނީ ހަމަ އެއަހަރުގެ ކުރީކޮޅު ތަފާތު އެކި ދުވަސް މަތިން ކަމަށެވެ.
ދައުލަތުން ހުށަހެޅި ހެކިންގެ ހެކިބަހާއި އަދި އޭނާ ޝަރީއަތުގެ މަޖިލީހަށް ދީފައިވާ ބަޔާނުން އޭނާގެ ކުށް ސާބިތުވެފައިވާ ކަމަށް ވެސް އެ ހުކުމްގައި ވަނީ ބުނެފަ އެވެ.
އެ ހުކުމް ކޮށްފައި ވަނީ ކުޑަކުދިންނަށް ޖިންސީ ގޯނާ ކުރާ މީހުންނާ މެދު ހާއްސަ އުސޫލުތަކަކަށް އަމަލު ކުރުމުގެ ގާނޫނުގެ ދަށުންނެވެ.
ކިޑްނީ އަދި އެތެރެހަށީގެ ހާއްސަ ޑޮކްޓަރު އަހުމަދު އަބުދުﷲ ކުޅުދުއްފުށީ ހާޖީ މެޑިކަލް ކުލިނިކަށް
ޤުރުއާން މުބާރާތުގައި ސްކޫލްތަކުން ހޯދި ކާމިޔާބީ ފާހަގަކުރުމަށް ހާއްސަ ރަސްމިއްޔާތެއް
ކަށި މިޔަރުގެ މަސްވެރިކަމަށް ނޮވެމްބަރުމަހު ހުއްދަ ދިނުމަށް ރައީސް ނިންމަވައިފި
ކުޅުދުއްފުށީގައި ބީއެމްއެލްގެ އިތުރު ބިޒްނަސް ސެންޓަރެއް އެޅުމަށް ބިންގާ އަޅައިފި
