ރާއްޖޭގެ އެންމެ ބޮޑު ޑޭޓާ އެލަވަންސާއެކު ޖަންބޯ ޑޭޓާ ޕްލޭންސް އުރީދޫއިން ތައާރަފް ކޮށްފި

ޖަންބޯ ޑޭޓާ ޕްލޭންސްގެ ނަމުގައި ކަސްޓަމަރުންގެ ފޯނަށް އެންމެ ބޮޑު ޑޭޓާ އެލަވަންސް ލިބޭ ޕްލޭނެއް އުރީދޫއިން ތައާރަފް ކޮށްފި އެވެ.

އުރީދޫ އިން މައުލޫމާތު ދޭ ގޮތުގައި 200ޖީބީގެ އެލަވަންސް ލިބޭ މި ޕެކޭޖުން ކަސްޓަމަރުންގެ ގޭގެއަށް އަދި ކުދި އޮފީސްތަކަށް 3ޖީ އަދި 4ޖީގެ އިންޓަނެޓްގެ ހިދުމަތް ވަޔަރލެސްކޮށް ލިބޭނެ އެވެ. ބްރޯޑް ބޭންޑް އިންޓަނެޓްގެ މިހިދުމަތް މިހާރު ހިލޭ ރައުޓަރއަކާ އެކު ޕޯސްޓްޕެއިޑް ޕެކޭޖެއް ގޮތަށް އެކްޓިވޭޓް ކުރެވޭނެ ކަމަށް އުރީދޫ އިން މައުލޫމާތުދެ އެވެ.

ޖަންބޯ ޑޭޓާ އެލަވަންސްގެ ހަތަރު ޕެކޭޖެއްވަނީ ތައާރަފު ކުރެވިފަ އެވެ. އެގޮތުން ޖަންބޯ ޑޭޓާ 20އިން ހިލޭ އެލަވަންސްގެ ގޮތުގައި 20ޖީބީ ލިބޭއިރު މިޕެކޭޖުގެ މަހުފީ އަކީ 999ރ އެވެ. ޖަންބޯ ޑޭޓާ 60ގެ މަހުފީ އަކީ 1999ރ އަށް ވާއިރު އެޕެކޭޖުން 60ޖީބީގެ ހިލޭ ޑޭޓާ އެލަވަންސް ލިބޭނެ އެވެ. 100ޖީބީގެ ހިލޭ ޑޭޓާ އެލަވަންސް ލިބޭ ޖަންބޯ ޑޭޓާ 100 އެންމެ 2999ރ އަށް ލިބެން ހުންނަ އިރު ޖަންބޯ ޑޭޓާ 200 ލިބެން ހުންނަނީ 5994ރ އަށެވެ. މި ޕެކޭޖުގައި ހިލޭ 200ޖީބީގެ ޑޭޓާ ބޭނުންކުރެވޭ އިރު ޖަންބޯ ޕްލޭންތަކުން އިތުރުވާ ކޮންމެ އެންބީއަކަށް ނަގާނީ 10ލާރި އެވެ.

ވަރަށް އަވަސް ސްޕީޑެއްގައި އިންޓަނެޓް ބޭނުންކުރެވޭ މިހިދުމަތް މިހާރު އުރީދޫގެ ފިހާރަތަކުން ލިބެން ހުންނާނެ އެވެ.