ރާއްޖޭގައި ރޭ ފާހަގަކުރި “އާރތު އަވަރ” ކުޅުދުއްފުށީގައި ވެސް ކުލަގަދަކޮށް ފާހަގަކޮށްފައިވާއިރު، އެ ގަޑިއިރުގެ ތެރޭގައި 122 ކިލޯ ވޯޓުގެ ކަރަންޓް ސަލާމަތްކުރެވިފައިވާ ކަމަށް ފެނެކަ ކޯޕަރޭޝަނުން ބުނެފި އެވެ.
އާރތް އަވާ ފައުންޑޭޝަންގެ ކުޅުދުއްފުށީ ގޮފިން އިންތިޒާމުކޮށްގެން ބޭއްވި މި ހަރަކާތުގައި 122 ކިލޯ ވޯޓުގެ ޕަވާ ދަށްކުރެވިފައިވާ އިރު މިއީ މިދިޔަ އަހަރު ފާހަގަ ކުރެވުނު އާރތު އަވާގެ އެއްގަޑިއިރުގެ ތެރޭގައި ދަށްކުރެވުނު 89 ކިލޯ ވޯޓާ ބަލާއިރު ވަރަށް ބޮޑު ކުރި އެރުމެއް ކަމަށް މި ހަރަކާތް އިންތިޒާމުކުރި ފަރާތުން ބުނެ އެވެ.
ރޭ 8:30 ފެށިގެން 1 ގަޑިއިރަށް އާރތު އަވާ ފާހަގަ ކޮށްފައިވަނީ ކުޅުދުއްފުށީ ލެކިއުޓް ފިހާރައާ ދިމާ “ވެލިގަނޑު” ގައެވެ.
އެ ސަރަހައްދުގައި އުއްބަތިތަކަކުން އާރތް އަވާގެ ލޯގޯ ބިންމަތީގައި ދިއްލާލާފަ ވެއެވެ. އަދި ހަރަކާތް ކުރިއަށް ދިޔަ ވަގުތު އެ ސަރަހައްދު ޒީނަތްތެރި ކުރެވިފައި ވަނީީ މި ހަރަކާތުގެ ބައިވެރިން ބޭނުންކުރި އުއްބައްތިތަކާއި ބިންމަތީގައި އަދި ތަން އަލިކުރުމަށް އެލުވާފައިހުރި އުއްބައްތިތަކުންނެވެ.
މި ހަރަކާތުގައި ރަށުގެ ކުދި ބޮޑު ގިނަ ފަރާތްތަކެއްގެ އިތުރުން ރަށު ކައުންސިލަރުންނާއި ހދ އަތޮޅު ކައުންސިލަރުންވަނީ ބައިވެރިވެފަ އެވެ.
މި ހަރަކާތް ކުރިއަށް ދިޔަ ވަގުތު މިސްގާލްގެ ބޮޑުބެރު ގުރޫޕުގެ ލަވަތަކާއި މުނިފޫހިފިލުވުމުގެ ހަރަކާތްތައް ކުރިއަށް ގެންގޮސްފައި ވެއެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
