ހދ. ނޭކުރެންދޫގައި ބޭއްވުމަށް ހަމަޖެހިފައިވާ 1435 ވަނަ އަހަރުގެ އަތޮޅު ޤުރުއާން މުބާރާތުގައި ކުޅުދުއްފުށިން ބައިވެރިވާނެ 15 ދަރިވަރުން ހޮވައިފި އެވެ.
މި މުބާރާތަށް ހޮވިފައިވާ ދަރިވަރުންގެ ނަންތައް އިއުލާނު ކޮށްފައިވަނީ ކުޅުދުއްފުށީ ކައުންސިލުން އިންތިޒާމުކޮށްގެން މިދިޔަ ހަފުތާގެ ތެރޭގައި ބޭއްވި ޤުރުއާން މުބާރާތުގެ ނަތީޖާ ފާޅުކުރުމަށް އިއްޔެ ބޭއްވި ރަސްމިއްޔާތުގަ އެވެ.
އަތޮޅު ޤުރުއާން މުބާރާތަށް ކުޅުދުއްފުށިން 15 ދަރިވަރުން ވަނީ ހޮވިފަ އެވެ. އެއީ ޖަލާލުއްދީނު ސްކޫލުގެ ފަސް ދަރިވަރަކާއި ހދ އަތޮޅު ތައުލީމީ މަރުކަޒުގެ 4 ދަރިވަރެއްގެ އިތުރުން އަފީފުއްދީން ސްކޫލާއި ޢުލޫމުލް ޤުރުއާން ކުލާހުގެ ދެދަރިވަރެކެވެ. އަދި އަމީރު އަމީނު ސްކޫލާއި އިރުމަތި އަވަށު ޕްރީސްކޫލުން އެއް ދަރިވަރަކުވަނީ އަތޮޅު ޤުރުއާން މުބާރާތަށް ހޮވިފަ އެވެ.
މީގެ އިތުރުން ޤުރުއާން މުބާރާތުގެ ބައިވެރިވި ހުރިހާ އުމުރުފުރާއަކުން ބަލައިގެން ކިޔުމާއި ނުބަލާ ކިޔުމުގެ ގޮފިން ވަނަވަނައަށް ދިޔަ ދަރިވަރުންނަށް އިނާމާ ހަދާނީ ލިޔުން ބެއްސެވީ ކުޅުދުއްފުށީ ކައުންސިލް މެންބަރު އިބްރާހިމް ރަޝީދާއި އާމިނަތު މަޖީދާ އެވެ.
އަދި މި މުބާރާތުގެ އެންމެ މޮޅު 15 ދަރިވަރުންނަށް ޓްރޮފީ އާއި ހަނދާނީ ލިޔުން ދެއްވީ ކައުންސިލު މެންބަރު ޝައުފާ އިބްރާހިމް ހިލްމީ އެވެ.
މި މުބާރާތުގައި ބައިވެރިވި ދެގޮފި އެއްކޮށް މުޅި މުބާރާތުން އެއްވަނަ ހޯދާފައިވަނީ ޢުލޫމުލް ޤުރުއާން ކުލާހުންނެވެ. އަދި ޖަލާލުއްދީން ސްކޫލުންވަނީ ދެގޮފި އެއްކޮށް މުޅި މުބާރާތުގެ އެއްވަނަ ސްކޫލުގެ މަގާމު ހޯދާފަ އެވެ. މުޅި މުބާރާތުން ދެގޮފި އެއްކޮށް އެއްވަނަ ހޯދާފައިވަނީ އެސްކޫލުގެ ސަމްޙާ އަލީ ރިޟާ އެވެ. ހާއްސަ ވަނަތަކަށް ހަނދާނީ ލިޔުމާއި ތަށި ބައްސަވައިދެއްވީ ރަށު ކައުންސިލުގެ ނައިބު ރައީސް މުހައްމަދު އައިމަން އަލީ އެވެ.
މިއަހަރު ބޭއްވުމަށް ހަމަޖެހިފައިވަނީ ހދ އަތޮޅު ކައުންސިލުން އިންތިޒާމުކޮށްގެން ބާއްވާ 3 ވަނަ އަތޮޅު ޤުރުއާން މުބާރާތެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
