އެއްގަމު ދަތުރުފަތުރުގެ ގާނޫނަށް ހޭލުންތެރި ކުރުމުގެ ޕްރޮގްރާމެއް ޖަލާލުއްދީން ސްކޫލުގައި ހިންގައިފި

ޖަލާލުއްދީން ސްކޫލުގެ ދަރިވަރުން އެއްގަމު ދަތުރުފަތުރުގެ ގާނޫނަށް ހޭއްލުންތެރި ކުރުމުގެ ޕްރޮގްރާމެއް ހިންގައިފި އެވެ.

ޖަލާލުއްދީން ސްކޫލުގެ އެދުމުގެ މަތިން ކުޅުދުއްފުށީ ޕޮލިސް ސްޓޭޝަނުގެ ފުލުހުން ކުރިއަށް ގެންދިޔަ މި ޕްރޮގްރާމު އޮތީ މިމަހުގެ 9 އަދި 10 ގައި އެވެ.

މި ސެޝަންތަކުގައި ޖަލާލުއްދީން ސްކޫލުގެ ގްރޭޑް 8 އިން 12 އަށް ކިޔަވާ ދަރިވަރުންނަށް މައުލޫމާތު ދީފައިވެ އެވެ. މި ސެޝަންތައް ބާއްވާފައިވަނީ އެ ސްކޫލު ހޯލުގަ އެވެ.

މިއީ ސްކޫލު ކުދިން ހޭލުންތެރިކުރުމަށް ފުލުހުން ކުރަމުން އަންނަ މަސައްކަތުގެ ދަށުން ބޭއްވި މައުލޫމާތު ދިނުމުގެ ސެޝަންތަކެއް ކަމަށް ފުލުހުން މައުލޫމާތު ދެއެވެ.