ހދ. އަތޮޅުގައި ބާއްވާ އެންމެ ބޮޑު ގުރުއާން މުބާރާތް އިއްޔެ ނޭކުރެންދޫގައި ފަށައިފި އެވެ.
ހދ އަތޮޅު ކައުންސިލުން އިންތިޒާމް ކޮށްގެން ބާއްވާ މިމުބާރާތުގައި އަތޮޅުގެ 11 ރަށެއްގެ 17 ސްކޫލަކާއި 2 ގުރުއާން ކުލާހަކުން ޖުމްލަ 130 ދަރިވަރުން ވާދަކުރެ އެވެ.
މިމަހުގެ 17 އިން 19 އަށް ކުރިއަށްދާ މިމުބާރާތުގައި ބަލައިގެން ކިޔަވާ ގޮފިން 87 ދަރިވަރުން ކިޔެވުމަށް ހަމަޖެހިފައިވާ އިރު ނުބަލާ ކިޔަވާ ގޮފިން 43 ދަރިވަރަކު ކިޔެވުމަށް ހަމަޖެހިފަވާ ކަމަށް އަތޮޅު ކައުންސިލުން ހާމަކުރެ އެވެ.
ހދ.ނޭކުރެންދޫ ސްކޫލުގެ ހޯލްގައި ކުރިއަށްދާ މިމުބާރާތުގައި ބައިވެރިނުވަނީ ފިނެ އާއި ހިރިމަރަދޫ އެކަންޏެވެ.
މިމުބާރާތަކީ ދިވެހިރާއްޖޭގެ ޤައުމީ ޤުރުއާން ކިޔެވުމުގެ މުބާރާތުގައި އަތޮޅު ތަމްސީލު ކުރާނެ ދަރިވަރުން ހޮވުމަށް ބާއްވާ މުބާރާތެކެވެ. އެގޮތުން މިމުބާރާތުން ހޮވާލެވޭ އެންމެ މޮޅު 15 ދަރިވަރަކު މިއަހަރު އޮންނަ ރާއްޖޭގެ ޤައުމީ ޤުރުއާން ކިޔެވުމުގެ މުބާރާތުގައި ބައިވެރިވުމުގެ ފުރުޞަތު ލިބިގެންދާނެ އެވެ.
ޤައުމީ ޤުރުއާން ކިޔެވުމުގެ މުބާރާތަށް ހޮވާ 15 ދަރިވަރުންގެ ތެރޭގައި ހިމެނޭނީ ނުބަލާ ކިޔަވާ ގޮފިން 7 ދަރިވަރުންނާއި ބައިލައިގެން ކިޔަވާ ގޮފިން 8 ދަރިވަރެކެވެ.
މިމުބާރާތަކީ 2011 ވަނަ އަހަރުން ފެށިގެން އަތޮޅު ފެންވަރުގަ ބާއްވަމުން އަންނަ މުބާރާތެކެވެ.
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
އީސީއާއި އޭސީސީގެ ރައީސުން އައްޔަންކުރުމުގެ ބާރު ރައީސަށް ދޭން ފާސްކޮށްފި
ނޮޅިވަރަމުގެ ޖަމިއްޔަތުއްރިސާލާއިން ޑރ. އާދަމް ޝަމީމްގެ ހާއްސަ ދަރުހެއް ބާއްވަނީ
33 ކޯހާއެކު ޤައުމީ ޔުނިވާސިޓީ ކުޅުދުއްފުށީ ކެމްޕަހުގައި ފެބްރުވަރީ 2025 އިންޓޭކަށް ހުޅުވާލައިފި
