އަފީފުއްދީން ސްކޫލު ދަރިވަރުން ކުމުންދޫ އާއި ނޮޅިވަރަމްގައި ކޭމްޕް ޖަހައިފި

އަފީފުއްދީން ސްކޫލުގެ ޔުނިފޯމް ހަރަކާތްތަކުގެ ދަރިވަރުން ކުމުންދޫ އާއި ނޮޅިވަރަމްގައި ކޭމްޕް ޖަހައިފި އެވެ.

ލިޓިލްމެއިޑާއި ގާލްގައިޑު ދަރިވަރުން ނޮޅިވަރަމްގައި ކޭމްޕް ޖަހާފައިވާއިރު ކަބުސްކައުޓާއި ސްކައުޓްގެ ދަރިވަރުން ކޭމްޕް ޖަހާ ވަނީ ކުމުންދޫގަ އެވެ.

އަފީފުއްދީން ސްކޫލު ޕްރިންސިޕަލް އާދަމް މޫސާ ވިދާޅުވީ މިކޭމްޕްގެ މައިގަނޑު މަގުސަދަކީ ސްކޫލުގެ ކަބްސްކައުޓާއި ސްކައުޓް އަދި ގާރލްގައިޑާއި ލިޓިލްމެއިޑް ހަރަކާތުގެ ތެރެއިން ދަރިވަރުން ފުރިހަމަކުރަންޖެހޭ ބައިތަކެއް ފުރިހަމަ ކުރުުން ކަމަށެވެ

އަދި މީގެ އިތުރަށް ފްރިންސިޕަލް ވިދާޅުވީ އަމިއްލަ ދިރިއުޅުމުގައި ދިމާވާ ގޮންޖެހުންތަކުން އަރައިގަތުމަށް ދަރިވަރުންނަށް ދަސްކޮށްދިނުން ވެސް މިކޭމްޕްތަކުގެ މަގުސަދުގެ ތެރެއިން ހިމެނޭ ކަމަށެވެ.

2 ދުވަހުގެ ނިޔަލަށް ކުރިއަށްދާ މިކޭމްޕްގައި އެސްކޫލުގެ ޔުނިފޯމް ހަރަކާތްތަކުގެ 53 އަންހެން ދަރިވަރުން ބައިވެރިވަމުންދާ އިރު 59 ފިރިހެން ދަރިވަރުން މިކޭންޕުގައި ބައިވެރިވަމުން އެބަދެ އެވެ.