ކޯޓުތަކުގައި ވަކާލާތު ކުރުމުގެ ހުއްދަ ކުޅުދުއްފުށީ 2 ބޭފުޅަކަށް ލިބިއްޖެ

ދިވެހި ރާއްޖޭގައި ގާނޫނީ ވަކީލުގެ ހައިސިއްޔަތުން ޝަރުއީ ކޯޓުތަކުގައި ވަކާލާތު ކުރުމުގެ ހުއްދަ ކުޅުދުއްފުށީގެ 2 ބޭފުޅަކަށް އިއްޔެ ލިބިއްޖެ އެވެ.

ގާނޫނީ ވަކީލުކަން ކުރުމުގެ ހުއްދަ ލިބުނު ކުޅުދުއްފުށީގެ ދެ ވަކީލުންނަކީ ކުޅުދުއްފުށި، ބުސްތާނުގެ، ސިނާޔާ ޒަކަރިއްޔާ އާއި އިރަމާގެ، ފަތުހުﷲ އިސްމާއިލެވެ.

މި ދެބޭފުޅުންގެ އިތުރުން ޝަރުއީ ދާއިރާ އަށް އަލަށް ގުޅިވަޑައިގަތް ގާނޫނީ 37 ވަކީލަކު އިއްޔެ ވަނީ ވަކީލުކަމުގެ ހުވާ ކުރައްވާފަ އެވެ. ކަސްޓަމްސްގެ ޖަލްސާކުރާ މާލަމްގައި މިކަމަށްޓަކައި ބޭއްވި ރަސްމިއްޔާތުގައި ހުވާ ލައިދެއްވީ ސިވިލް ކޯޓުގެ ގާޒީ ހުސައިން މަޒީދެވެ.

އެޓާނީ ޖެނެރަލްގެ ކުރިފުޅު މަތީގައި 39 ގާނޫނީ ވަކީލުން ހުވާކުރެއްވިރު މިހާރު ވެސް ރާއްޖޭގައި 750 އަށް ވުރެ ގިނަ ގާނޫނީ ވަކީލުން މަސައްކަތް ކުރައްވަމުން ގެންދަވަ އެވެ.