އަތޮޅު ކައުންސިލުގެ މިސްރާބު ވިޔަފާރިއާ ދިމާލަށް !

ހދ.އަތޮޅު ކައުންސިލުން ކުންފުންޏެއް ހަދާ ވިޔަފާރީގެ ދާއިރާ އަށް ނިކުތުމަށް މިސްރާބު ޖަހައިފި އެވެ.

އަތޮޅު ކައުންސިލުން އުފައްދަން މަސައްކަތް ކުރާ ކުންފުނީގެ ނަމަކީ ތިލަދެކުނު ޑިވެލޮޕްމަންޓް ކޯޕަރޭޝަން ޕްރައިވެޓް ލިމިޓެޑެވެ. އަތޮޅު ކައުންސިލުން ވިޔަފާރީގެ ދާއިރާ ނިކުތުމަށް ނިންމާފައިމިވަނީ ކައުންސިލުގެ މާލިއްޔަތު އިތުރު ކުރުމުގެ މަގުސަދުގަ ކަމަށް ކައުންސިލުން ބުނެ އެވެ.

ކުޅުދުއްފުށީ އޮންލައިންއަށް މައުލޫމާތުދެއްވަމުން ހދ. އަތޮޅު ކައުންސިލްގެ މީޑިއާ އޮފިސަރު ވިދާޅުވީ ކުންފުނީގެ މަގްސަދަކީ

” ހދ. އަތޮޅުގެ ތަރައްޤީގެ މަޝްރޫޢުތައް ހިންގުމަށް ބޭނުންވާ އާމްދަނީ އިތުރުކުރުން” ކަމަށެވެ.

މުހައިމިނު ވިދާޅުވީ މި ކުންފުނި ރަޖިސްޓްރީ ކުރުމުގެ މަރުހަލާ މިހާރު ކުރިއަށްދާ ކަމަށާއި އަދި ކުންފުނީގެ ލޯގޯ ހަދައިދޭނެ ފަރާތެއް ހޯދުމަށް މިހާރު އިއުލާން ކޮށްފައި ވާނޭކަމަށެވެ.

ލޯގޯ ފަރުމާ ކުރުމަށް ޝައުޤުވެރިވާ ފަރާތްތަކުން، މިމަހުގެ 29 ވާ ބުރާސްފަތި ދުވަހުގެ 15:00 ގެ ކުރިން ލޯގޯގެ ސޮފްޓް ކޮޕީ ހުށަހަޅަން ޖެހޭނެ ކަމަށް އެކައުންސިލުން މައުލޫމާތު ދެއެވެ.