ރާއްޖޭގެ އުތުރާއި ދެކުނުގައި ދެޖަލު އެޅުމަށް ސަރުކާރުން ނިންމާ އުތުރުގެ ޖަލު އަޅާނެ ރަށެއްކަމުގައި ހދ. ނޭކުރެންދޫ ހަމަޖެއްސީ 2010 ވަނަ އަހަރުގެ ނޮވެންބަރު މަހުގެ ތެރޭގައި އެވެ.
އެހެންނަމަވެސް ރުއްގަހަށް ބަދަލުދިނުން ފިޔަވައި 3 އަހަރު ފާއިތުވެގެން ދިޔައިރު ޖަލުގެ އަމަލީ މަސައްކަތުގެ އެއްވެސް މިންވަރެން ކުރެވިފައެއްނުވެ އެވެ.
ނޭކުރެންދޫ ކައުންސިލުގެ ރައީސް މުހައްމަދު ޝިޒާން މިނޫހަށް މައުލޫމާތު ދެއްވަމުން ވިދާޅުވީ ޖަލު ހެދުމަށް ނިންމާފައިވާ ސަރަހައްދުގެ އިންވަކިކޮށް ރުއް ގަހަށް ބަދަލުދީފައިވާ ކަމަށެވެ. އަދި އޭގެ އިތުރުން ޖަލުގެ އެއްވެސް މަސައްކަތެއް ކޮށްފައިނުވާ ކަމަށެވެ.
ޖަލު ހެދުމަށް ނިންމިތާ 3 އަހަރު ދުވަސް ވީއިރު އެއްވެސް އަމަލީ މަސައްކަތެއް ފެނިފައިނުވަނީ ކީއްވެތޯ ސުވާލުކުރުމުން ޝިޒާން ވިދާޅުވީ އެސަބަބެއް ކައުންސިލަށް އެނގިފައި ނުވާ ކަމަށާއި އެކަން އޮތްގޮތެއް ބަލަމުންދާ ކަމަށެވެ.
އޭރުގެ ސްޓޭޓް މިނިސްޓަރ މުހައްމަދު ނައީމް (މޮނާޒާ) ރުއް ގަހަށް ބަދަލުދިނުމަށް 1،700،000 ދިނުމަށް ނިންމާފައިވާ ކަމަށް ވިދާޅުވެ ދޮޅު އަހަރެއްހާ ދުވަހުގެ ތެރޭގައި ޖަލުގެ މަސައްކަތް ނިމޭނެ ކަމަށް ލަފާކުރައްވާ ކަމަށް ވިދާޅުވި އެވެ. އަދި ޖަލުން ބައެއް 2012 ވަނަ އަހަރުގައި ތެރޭގައި ނިންމާ ބޭނުން ކުރަން ފެށޭވަރުވާނެ ކަމަށް ވިދާޅުވެފައިވެ އެވެ.
300 ގައިދީންނަށް ދިރިއުޅެވޭނެހެން ގާއިމްކުރަން ނިންމި ނޭކުރެންދޫ ޖަލަކީ ސަލާމަތީ ގޮތުން ވަރުގަދަ، ގައިދީންނަށް މަސައްކަތްކުރުމުގެ ފުރުސަތު ލިބޭ ގޮތަށް އެޅުމަށް ނިންމާފައިވާ ޖަލެކެވެ. ޖަލުއެޅުމަށް ނޭކުރެންދޫއިން ވަނީ 21 ހެކްޓަރގެ ސަރަހައްދެއް ސާފުކޮށްފަ އެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
