ޖަލާލުއްދީން ސްކޫލްގެ ޑެޕިޔުޓީ ޕްރިންސިޕަލް އިސްތިއުފާ ދެއްވުމުން ސްކޫލް ހިންގެވުމަށް ޕްރިންސިޕަލަކު ހަމަޖައްސަވައިފި

ޖަލާލުއްދީން ސްކޫލް ހިންގެވުމާ ހަވާލުވެ ހުންނެވި އެ ސްކޫލްގެ ޑެޕިޔުޓީ ޕްރިންސިޕަލް އަލީ އިސްމާއީލް އިސްތިއުފާދެއްވުމާ ގުޅިގެން ސްކޫލް ހިންގެވުމަށް ޕްރިންސިޕަލަކު ހަމަޖައްސަވާއިފިއެވެ.

ޖަލާލުއްދީން ސްކޫލުގެ ކުރީގެ ޑެޕިއުޓީ ޕްރިންސިޕަލް އަލީ އިސްމާއީލް ވިދާޅުވީ އިސްތިއުފާ ދެއްވީ އުނގަންނައި ދިނުމާ ގުޅުންހުރި އެހެން ދާއިރާއެއްގައި މަސައްކަތް ކުރަން ބޭނުންފުޅުވެ ވަޑައިގަންނަވާތީ ކަމަށެވެ.

މި ނޫހަށް މައުލޫމާތު ލިބިފައިވާ ގޮތުގައި ޕްރިންސިޕަލްގެ މަގާމަށް އަލަށް ހަމަޖެއްސެވީ ލާލެ ޔޫތު އިންޓަނޭޝަނަލް ސްކޫލްގެ ޑެޕިޔުޓީ ޕްރިންސިޕަލް މަހުދީ ޝާހިދެވެ.

ޖަލާލުއްދީން ސްކޫލްގެ ޕްރިންސިޕަލް ސައީދު އަހުމަދު 2012 ވަނަ އަހަރުގެ އޯގަސްޓް މަހު އިސްތިއުފާ ދެއްވުމާ ގުޅިގެން ޕްރިންސިޕަލެއްގެ ޒިންމާ އުފުލާފައިވަނީ ސްކޫލްގެ ޑެޕިޔުޓީ ޕްރިންސިޕަލް އަލީ އިސްމާއީލެވެ.

އަލީ އިސްމާއީލް ޖަލާލުއްދީން ސްކޫލްގައި މަސައްކަތް ކުރައްވަން ފެއްޓެވީ 2006 ވަނަ އަހަރުއެވެ. މި ނޫހަށް އެނގިފައިވާ ގޮތުގައި އަލީ އިސްމާޢީލް އިސްތިއުފާދެއްވީ، މިމަހު 27 ވަނަ ދުވަހުއެވެ. އަލީ އިސްމާއީލް ވަނީ މީގެ ކުރިން ހދ އަތޮޅު މަދަރުސާ އާއި ހދ. މަކުނުދޫ ސްކޫލް ހިންގުމުގައި އިސްކޮށް ހަރަކާތްތެރިވެފަ އެވެ.