މެމްބަރު އިބްރާހީމް އައްބާސް ކުޅުދުއްފުށީ ކައުންސިލަށް 75 ހޮޅިބުރި ހަދިޔާ ކޮށްފި

Jun 2, 2014

ކުޅުދުއްފުށީ ކައުންސިލުގެ މެމްބަރު އިބްރާހިމް އައްބާސް ކައުންސިލަށް 75 ހޮޅިބުރި އޭނާގެ އާއިލާގެ ނަމުގައި ހަދިޔާ ކޮށްފި އެވެ.

މި ނޫހަށް މައުލޫމާތު ދެއްވަމުން އިބްރާހިމް އައްބާސް ވިދާޅުވީ މިއީ އޭނާ ރައްޔިތުންނަށްޓަކައި ކޮށްފައިވާ ހޭދައެއް ކަމަށާއި އޭނާ ހަދިޔާ ކޮށްފައިވާނީ ހަމައެކަނި “ޓިއުބް” އެކަނި ކަމަށެވެ.

” މިއީ ރައްޔިތުންނަށް ކުރި ހޭދައެއް.” ކައުންސިލަރު ވިދާޅުވި އެވެ.

މީގެ އިތުރުން އޭނާ ވިދާޅުވީ މިއީ ސޮނީހާޑްވެއަރ އިން އޯޑަރ ޖަހައިގެން ގެނެސްފައިވާ ހޮޅިބުރިތަކެއް ކަމަށާއި މިއީ ސަރުކާރުން ކުރިއަށް ގެންދާ “ފެހި އަލި” ޕްރޮގްރާމުގެ ދަށުން ހަދިޔާ ކޮށްފައިވާ ހޮޅިބުރިތަކެއް ނޫން ކަމަށެވެ.

“ފެހި އަލި” ޕްރޮގްރާމުގެ ދަށުން ކުޅުދުއްފުއްޓަށް 100 އެއްހާ ލެޑް ލައިޓު ލިބިފައިވާ ކަމަށާއި އެ ލައިޓުތައް ހަރުކުރުމުގެ މަސައްކަތް ކުރިއަށް ގެންދާ ކަމަށް މިދިޔަ އަހަރުގެ އޮކްޓޯބަރ މަހު ކައުންސިލުން ވަނީ ބުނެފަ އެވެ.

މިލިޔުމާއި ގުޅޭ