ހދ. އަތޮޅު މަދަރުސާގެ ވޭތުވެދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް ލީނާ ހޮވިއްޖެ

ހދ. އަތޮޅު މަދަރުސާގެ 2013 ވަނަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް އައިޝަތު ލީނާ ހޮވިއްޖެ އެވެ.

ލީނާއަށް އެކާމިޔާބީ ލިބިފައިވަނީ ކިޔެވުމާއި އިތުރު ހަރަކާތްތަކާއި އަހުލާގީ ގޮތުން އެންމެ ފާހަގަ ކޮށްލެވޭ ދަރިވަރަށް ވުމުންނެވެ. ލީނާ ވަނީ ސާނަވީ އިމްތިހާނުން 2 އޭ އާއި 5 ބީގެ އިތުރުން 2 ސީ ހޯދާފައި އެވެ. އަދި އޭނާއަށް ބެސްޓް އޯލް ރައުންޑް ލިބިފައިވާތީ އެކަމުގެ އަގު ވަޒަންކޮށް ސްކޫލުން ވަނީ ގުރޭޑް ދިހައެއްގެ އެވޯޑު ދީފަ އެވެ. ލީނާގެ އިތުރުން ޖީސީއޯލެވެލް އިމްތިހާނު ހުރިހާ މާއްދާއިން ސީ މަތިން ފާސްވެފައިވަނީ ހަމައެކަނި ފަވާޒު އަބުދުﷲ ފާއިޒެވެ.

ލީނާ ސީއެޗްއެސީގައި އޭލަވަލަށް ކިޔަވަމުންދާތީ ރޭ އަތޮޅު މަދަރުސާގެ ހޯލުގައި ބޭއްވި އިނާމު ދިނުމުގެ ރަސްމިއްޔާތުގައި ވަނީ ބައިވެރިވެވޭގޮތް ނުވެފަ އެވެ. އެހެންކަމުން އޭނާގެ އިނާމުތަކާ ހަވާލުވީ ދެބެންގެދެދަރި ކޮއްކޮއެއް ކަމުގައިވާ މިހާރުގެ ވައިސް ކެޕްޓަން ރާނިޔާ އެވެ.

އަތޮޅު މަދަރުސާއިން ނިމިދިޔަ އަހަރު އެންމެ މޮޅު 10 ދަރިވަރުން ހޮވާ އެކުދިންނަން ވެސް ވަނީ އިނާމު ދީފަ އެވެ. މިގެ އިތުރުން ސަބްޖެކްޓް އެވޯޑާއި ކްލާސް ޕްރައިޒް އަދި ޑިސިޕްލިން ޕްރައިޒުގެ އިތުރުން އޮނަލިސްޓެޑް އެވޯޑާއި ޖެނެރަލް ޕްރޮފެޝަންސީ އިނާމް ދީފައިވެ އެވެ.

ވައިކަރަދޫގައި ހުންނަ އަތޮޅު މަދަރުސާގެ 2013 ވަނަ އަހަރުގެ އިނާމު ދިނުމުގެ ޖަލްސާ ޝަރަފުވެރިކޮށްދެއްވާ ހާއްސަ ވަނަވަނައަށް ދިޔަ ދަރިވަރުންނަށް އިނާމާއި ޝީލްޑް ހަވާލުކޮށްދެއްވީ އަފީފުއްދީން ސްކޫލުގެ ޕްރިންސިޕަލް އާދަމް މޫސާ އެވެ.

ދަރިވަރުންނާ މުހާތަބު ކުރައްވާ ވާހަކަ ދައްކަވަމުން ޝަރަފުވެރި މެހެމާނު ވިދާޅުވީ ސްކޫލުން ކިޔަވާ އެއްޗެއްގެ ބޭނުން އެންމެ އެކަށީގެންވާ ގޮތެއްގައި ބޭނުން ކުރުމަށާއި ސްކޫލުގެ މާހައުލުން ދަސްކުރާ ތަކެތި އަމިއްލަ ދިރިއުޅުމުގައި ބޭނުން ހިފުމަށެވެ. އަދި އިނާމު ހާސިލު ކުރި ދަރިވަރުން ކުރި މަސައްކަތަށް ހިތްވަރު ދެއްވި އެވެ.

200 އަށްވުރެ ގިނަ ދަރިވަރުން މިދިޔަ އަހަރު އެސްކޫލުގައި ތައުލީމު ހާސިލުކޮށްފައިވެ އެވެ.

[yass cats=79]