ޖަލާލުއްދީން ސްކޫލުގެ ގުރޭޑް 10 ގެ ދަރިވަރުންގެ ސްޓަޑީ ކޭމްޕެއް ފެށިގެން ކުރިއަށްދާ ކަމަށް އެ ސްކޫލުން ބުނެފި އެވެ.
މި ނޫހަށް މައުލޫމާތު ދެއްވަމުން ޖަލާލުއްދީން ސްކޫލުގެ ޕްރިންސިޕަލް މަހުދީ ޝާހިދު ވިދާޅުވީ މި ކޭމްޕަކީ ގުރޭޑް ދިހައެއްގެ ދަރިވަރުންގެ ފެންވަރު ރަނގަޅުކޮށް ކިޔެވުމަށް އެ ދަރިވަރުން ޝައުގުވެރި ކުރުވުމަށް ބާއްވާ ކޭމްޕެއް ކަމަށެވެ.
ޕްރިންސިޕަލް މަހުދީ ވިދާޅުވީ ބެލެނިވެރިންނާއި ދަރިވަރުންގެ ވަރަށް ބޮޑު އެއްބާރުލުމެއް ލިބުން އަންނަ ކަމަށެވެ. އެގޮތުން ބެލެނިވެރިން ވަނީ ކޭމްޕްގައި އުޅޭ ވަގުތު ދަރިވަރުން ލައިގެން އުޅުމަށް ހާއްސަ ޓީޝާޓުތަކެއް ގަނެފަ އެވެ.
އަދި ކޭމްޕް ނިންމުމަށް ބާއްވާ ހަފުލާގެ ކެއުމުގެ ކަންކަން ވެސް ބެލެނިވެރިން ހަމަޖައްސާފައިވާކަމަށް އޭނާ ވިދާޅުވި އެވެ. ދަރިވަރުންގެ ޓީޝާޓުތަކުގައި ތައްގަނޑު ޖަހާފައި ވަނީ އެ ދަރިވަރުން އަމިއްލަ އަށް ކަމަށާއި މިކަމުން ވެސް މި ކޭމްޕަށް ދަރިވަރުންހުރި ޝައުގުވެރިކަން ހާމަކޮށްދޭ ކަމުގައި ވެސް ޝާހިދު ވިދާޅުވި އެވެ.
މި ކޭމްޕް ކުރިއަށްދަނީ ހެނދުނު 7:30 އިން ރޭގަނޑު 22:00 އަށް ކަމަށެވެ. އަދި ހެނދުނު އާއި މެންދުރު ދެވޭ ބުރޭކުގެ އިތުރުން 16:30 އިން 20:30 އަށް ކުދިން އާއިލާއާ އެކު ވަގުތު ހޭދަކޮށްލައި ނަމާދުކުރުމަށް ބުރޭކެއް ދެމުން އަންނަ ކަމަށް ޕްރިންސިޕަލް ވިދާޅުވި އެވެ.
މި ކޭމްޕްގައި ގުރޭޑް ދިހައެއްގައިި ކިޔަވައިދޭ ހުރިހާ މާއްދާއެއް ކިޔަވައިދޭއިރު ކޮންމެ ގަޑިއެއް ދޮޅު ގަޑިއިރަށް ދެމިގެންދެ އެވެ.
ކުޅުދުއްފުށީގައި ފުލުހުން ހިފަހައްޓާފައި ހުރި ބޮގަރާއި ބަނގުރާފުޅިތަކެއް ނައްތާލައިފި
ރަށު ކައުންސިލްތަކަށް ބަގީ ދިނުމަށް އަތޮޅު ކައުންސިލުން ނިންމައިފި
ކުޑަކުދިންގެ ދުވަސް ފާހަގަކުރަން ކުޅުދުއްފުށީ ސްކޫލްތަކުގައި ބޭއްވި ހަވީރު
ނޭކުރެންދޫގައި އަތޮޅު ފެންވަރުގައި ފާހަގަކުރި ކުޑަކުދިންގެ ހަވީރު
