އަޕަރ ނޯތު ޕޮލިސް ޑިވިޜަންގެ ކޮމާންޑަރަކަށް އިންސްޕެކްޓަރ އޮފް ޕޮލިސް ނަސްރުﷲ ޖަލީލު އައްޔަން ކުރައްވައިފި

ހއ، ހދ އަދި ށ އަތޮޅު ހިމެނޭ އަޕަރ ނޯތު ޕޮލިސް ޑިވިޜަންގެ ކޮމާންޑަރަކަށް އިންސްޕެކްޓަރ އޮފް ޕޮލިސް ނަސްރުﷲ ޖަލީލު އައްޔަން ކުރައްވައިފި އެވެ.

އެ ޑިވިޜަންގެ އިތުރުންވެސް ވަނީ އިތުރު 3 ޑިވިޜަންގެ ކޮމާންޑަރުން ވަނީ އައްޔަނުކޮށްފަ އެވެ. އެއީ ނ،ރ،ބ އަދި ޅ އަތޮޅު ހިމެނޭ ނޯތު ޕޮލިސް ޑިވިޜަނުގެ ކޮމާންޑަރަކަށް އިންސްޕެކްޓަރ އޮފް ޕޮލިސް އަބުދުﷲ ނަޞީރު އާއި މ،ފ އަދި ދ ހިމެނޭ ސެންޓްރަލް ޕޮލިސް ޑިވިޜަންގެ ކޮމާންޑަރަކަށް އިންސްޕެކްޓަރ އޮފް ޕޮލިސް އަބުދުﷲ ނަޞީރު އެވެ.

އަދި ތ އާއި ލ ހިމެނޭ ސައުތު ސެންޓްރަލް ޕޮލިސް ޑިވިޜަންގެ ކޮމާންޑަރަކަށް ޗީފް އިންސްޕެކްޓަރ އޮފް ޕޮލިސް އަހުމަދު ޝާކިރު އެވެ. މި ކޮމާންޑަރުން މިހާރު ޑިވިޜަންތަކުގެ މަސައްކަތްތަކާއި ހަވާލުވެފައިވާއިރު މި ހަތަރު ޑިވިޜަން އަށް އައު ކޮމާންޑަރުން ހޮވާފައި މިވަނީ ކުރިން ތިއްބެވި ކޮމާންޑަރުންގެ ޑިއުޓީ ޓާމް ހަމަވުމާއި ގުޅިގެން ކަމަށް ފުލުހުން މައުލޫމާތު ދެއެވެ.

ފުލުހުން ވަނީ ރައްޔިތުންނާ ވީހާވެސް ގާތުން މަސައްކަތްކުރުމުގެ މަގުސަދުގައި ރާއްޖޭގެ އަތޮޅުތައް 7 ޑިވިޜަނަކަށް ބަހާލާފަ އެވެ.