އަފީފުއްދީން ސްކޫލުގެ މިދިޔަ އަހަރު ހުރިހާ ގޮތަކުން އެންމެ މޮޅު ދަރިވަރަކަށް އަރުޝަމް

އަފީފުއްދީން ސްކޫލުގެ ވޭތުވެދިޔަ އަހަރު ހުރިހާގޮތަކުން އެންމެ މޮޅު ދަރިވަރުގެ މަގާމު މުހައްމަދު އަރުޝަމް އަބުދުއްރަޝީދު (މަންފާ) ހޯދައިފި އެވެ.

އަރުޝަމް އެކާމިޔާބީ ހޯދާފައިވަނީ ކިޔެވުމާއި އިތުރު ހަރަކާތްތަކުގެ އިތުރުން އަހުލާގީ ގޮތުން އެންމެ ފާހަގަ ކޮށްލެވޭ ދަރިވަރަށް ވުމުންނެވެ. އަރުޝަމް ވަނީ ނެޝަނަލް ޓޮޕް 10 އިން 5 ވަނަ ހޯދާފަ އެވެ. އަދި ސާނަވީ ނިންމާ އިމްތިހާނުތަކުން 6އޭ ހޯދައިގެން މުޅި ސްކޫލުން 1 ވަނަ ހާސިލުކޮށްފަ އެވެ. އަރުޝަމް އޭ ހޯދި މާއްދާތަކަކީ އިނގިރޭސި، ހިސާބު، ބަޔޮލޮޖީ، ފިޒިކްސް، ކެމިސްޓްރީ އަދި ކޮމްޕިއުޓަރ އެވެ.

މީގެ އިތުރުން ތައުލީމީގޮތުން އެންމެ މޮޅު ސްކައުޓާއި ހުރިހާ ގޮތަކުން އެންމެ މޮޅު ސްކައުޓްގެ މަގާމުވެސް އަރުޝަމް ވަނީ ހޯދާފަ އެވެ.

އަފީފުއްދީން ސްކޫލުގެ ހޯލުގައި ރޭ ބޭއްވި އިނާމު ދިނުމުގެ ރަސްމިއްޔާތުގައި 2013 ވަނަ އަހަރު ސާނަވީ އިމްތިހާނުން އެންމެ ރަނގަޅު ނަތީޖާ ހޯދި ދިހަ ދަރިވަރުންގެ ތެރޭގައި 3އޭ ފާސް ހޯދައިގެން 2 ވަނައަށް ގޮސްފައިވަނީ މަޒީނާ މުހައްމަދު، ކުލުނު އެވެ. އޭނާ ވަނީ އިނގިރޭސި، ހިސާބު އަދި ކޮމްޕިއުޓަރުން އޭ ފާސް ހޯދާފައި އެވެ. އަދި އޭނާ ވަނީ ތައުލީމީ ގޮތުން އެންމެ މޮޅު ގާރލްގައިޑްގެ މަގާމުވެސް ހޯދާފައި އެވެ.

1އޭ ފާސް ލިބިގެން 3 ވަނަ ލިބިފައިވަނީ އާމިނަތު އަމީލާ އަބުދުﷲ، އާލަމް އެވެ. އޭނާ އޭ ފާސް ހޯދާފައިވަނީ ބަޔޮލޮޖީީީންނެވެ. އަދި އަމީލާ ވަނީ ހުރިހާގޮތަކުން އެންމެ މޮޅު ގާރލްގައިޑަކަށް ހޮވިފަ އެވެ.

2013 ވަނަ އަހަރު އަފީފުއްދީން ސްކޫލުގެ ގަދަ ދިހައެއްގެ 4 ވަނައަށް ދެދަރިވަރަކު ހޮވިފައިވެ އެވެ. އެއީ އަހުމަދު އަބުދުﷲ، ނަލަރީތިގެ އާއި އައިޝަތު ޝިފާ ހުސެއިން، ހަސްތީ އެވެ. 5 ވަނަ ލިބިފައިވަނީ ހަނދުވަރުކޮކާ، ސާމިލާ އަބޫބަކުރަށެވެ. 6 ވަނައަށް ގޮސްފައިވަނީ ނަބީލު ހަސަން ޖިފުޑި އެވެ. އަދި 7 ވަނައަށް އިހްސާނާ އާދަމް ރަތްބަގީޗާގެ، ހޮވުނުއިރު 8 ވަނަ ހޯދާފައިވަނީ ފައިސަލު އަހުމަދު، ހެލަނގެލި އެވެ. 9 ވަނަ ިކިރުދުޫނިގެ، އަހުމަދު އަރީން އަލީއަށް ލިބިފައިވާއިރު 10 ވަނަ ހޯދާފައިވަނީ އަލަސްކާ، ރައުފާ އާދަމެވެ.

އަފީފުއްދީން ސްކޫލުގެ މިދިޔަ އަހަރު ގުރޭޑް 7 ހުރިހާގޮތަކުން އެންމެ ގަދަ 10 ހޮވާ އެދަރިވަރުންނަށް ވެސް ވަނީ އިނާމު ދީފަ އެވެ.

އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރ އަބުދުﷲ ނާޒިމް އިބްރާހިމް ޝަރަފްވެރި ކޮށްދެއްވި މިރަސްމިއްޔާތުގައި 83 ދަރިވަރަކު ވަނީ އިނާމު ހާސިލުކޮށްފަ އެވެ. ހާއްސަ އިނާމުތަކަށް ބަލާލާއިރު އެންމެ މޮޅު ލިޓިލް މެއިޑަކަށް ހޮވިފައިވަނީ އާމިނަތު އިބާ އާދަމެވެ. މުހައްމަދު އަކުބަރު އަލީ ތައުލީމީ ގޮތުން

އެންމެ މޮޅު ކަބްސްކައުޓަކަށް ހޮވުނުއިރު ހުރިހާގޮތަކުން އެންމެމޮޅު ކަބުސްކައުޓްގެ މަގާމު ލިބިފައިވަނީ ރިއްފަތު އިބުރާހިމަށެވެ. އަދި ހުރިހާގޮތަކުން އެންމެ ފާހަގަކޮށްލެވޭ ހައުސަކަށާއި އިތުރު ހަރަކާތަކުގެ އެންމެ ރަގަޅު ހައުސަކަށް ޢާޒީ ހައުސް ހޮވުނުއިރު ކިޔެވުމުގައި އެންމެ ރަގަޅު ހައުސަކަށް ހޮވުނީ ފަރީދީ ހައުސެވެ.

މިރަސްމިއްޔާތުގެ ޝަރަފްވެރި މެހެމާނު ވަނީ އިނާމް ލިބުނު ދަރިވަރުންނަން ސާބަސް ދެއްވާ އެކުދިން އެހޯދިކާމިޔާބީއަށް މަރުހަބާ ކިޔާފަ އެވެ. އަދި އޭނާގެ ވާހަކާގައި ތައުލީމު ހޯދުމަށް ގަދައަޅާ މަސައްކަތް ކުރުމަށް އެދިލެއްވި އެވެ. ޑެޕިއުޓީ މިނިސްޓަރ އަބުދުﷲ ނާޒިމް ވަނީ ޓީޗަރުން ކުޑަ މުސާރައެއްގައި ކުރައްވާ ބުރަ މަސައްކަތަށް ތައުރީފު ކުރައްވާފަ އެވެ.

މިޖަލްސާގައި ކުޅުދުއްފުށީގައި ހުންނަ ސްކޫލުތަކާއި މުވައްސަސާތަކުގެ ވެރިންނާއި ގިނަ އަދަދެއްގެ ބެލެނިވެރިން ވަނީ ބައިވެރިވެފަ އެވެ.

[yass cats=81]