ކުޅުދުއްފުށީގައި ހިނގި ގުރޫޕް މާރާމާރީއެއްގައި 3 މީހަކު ޒަހަމް ކޮށްލައިފި

ކުޅުދުއްފުށީގައި ރޭގެ 11:30 ހާއިރު ޒޯން ސްޓޭޑިއަމް ކައިރީ ހިނގި ގުރޫޕް މާރާމާރީއެއްގައި 3 މީހަކު ޒަހަމް ކޮށްލައިފި އެވެ.

މި ނޫހަށް މައުލޫމާތު ދެއްވަމުން  ޕޮލިސް މީޑިއާއިން ބުނީ ޒަހަމްވި 3 މީހުންނަށް ދަނީ ކުޅުދުއްފުށީ ރީޖަނަލް ހޮސްޕިޓަލްގައި ފަރުވާ ދެމުންކަމަށެވެ.

މައުލޫމާތު ދެމުން ޕޮލިސް މީޑިޔާއިން ބުނީ މި މައްސަލައިގައި ތުހުމަތުކުރޭ ފަރާތްތައް ހޯދަމުންދާކަމުގަ އެވެ. ނަމަވެސް އެއީ ކިތައް މީހުން ކަމެއް ޕޮލިސް މީޑިޔާއިން ހާމައެއް ނުކުރެ އެވެ.

މާރާމާރީ ހިނގި ސަރަހައްދުގައި ހުރި މީހަކު މައުލޫމާތުދިން ގޮތުގައި މި މާރާމާރީގައި ހޮޅިބުރިއާ ލަކުނޑި ބުރިތަކުން ހަމަލާދިން ކަމުގައި އެވެ.

މި މައްސަލަދަނީ ފުލުހުން އިތުރަށް ތަހުގީގުކުރަމުންނެވެ.