ކުރިއަށް އޮތް ރޯދަމަހު ސަރުކާރުގެ ރަސްމީގަޑި ހެނދުނު 10:00 ން 14:30 އަށް ބަދަލުކުރުމުން އަންހެނުންނަށް ދަތިތަކަކާ ކުރިމަތިވެދާނެކަމަށް ފެންނާތީ އޮފީސްތައް ނިމޭގަޑި 2:00 އަށް މިއަދު ބަދަލުކޮށްފި އެވެ.
ރައީސް އޮފީހުގެ ތަރުޖަމާނާ ހަވާލާދީ ބައެއް މީޑިޔާތަކުން ބުނިގޮތުގައި އޮފީސްތައް ނިމޭގަޑި އަވަސް ކޮށްފައިވަނީ ބައެއް ފަރާތްތަކުގެ ޝަކުވާ އާއި ގުޅިގެން ކަމަށެވެ. އަދި އެފަދަ ފަރާތްތަކުގެ ޝަކުވާތައް ރައީސް އަބްދުﷲ ޔާމީން ބަލައިގަންނަވާ ކަމަށް ތަރުޖަމާނު ވިދާޅުވި އެވެ.
ރައީސް އޮފީހުން މިއަދު ހާމަކުރެއްވި ގޮތުގައި ރޯދަ މަހުގެ އިތުރުން ޝައްވާލުމަހުގެ ފުރަތަމަ 7 ދުވަހުވެސް ސަރުކާރުގެ ރަސްމީގަޑިއަކީ 10:00 ން 2:00 އަށެވެ.
އޮފީސް ނިމޭގަޑި 2:30 އަށް ބަދަލުކުރުމާ ގުޅިގެން އަންހެނުންގެ ހައްގުތަކަށް މަސައްކަތްކުރާ ޖަމިއްޔާއަކުން ކަންބޮޑުވުން ފާޅުކޮށްފައިވެއެވެ. އެ ޖަމިއްޔާއިން ބުނީ އޮފީސްތައް ނިމޭގަޑި ލަސްވުމުން، އަންހެނުންނަށް ބަދިގޭގައި މަސައްކަތްކުރަންލިބޭ ވަގުތު މަދުވާ ކަމަށެވެ.
މީގެ ކުރީގެ ރޯދަ މަސްތަކުގައި ސަރުކާރުގެ ރަސްމީ ގަޑިއަކީ 9:00 އިން 1:30 އަށެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
