ހަރަދުކުރި އަދަދުގެ ފަސްގުނަ އިތުރަށް ހޯދުމުގެ ފުރުސަތު އުރީދޫއިން

ކޮންމެ ދުވަހަކު ހަރަދުކުރި އަދަދުގެ ފަސްގުނަ އިތުރަށް ހޯދުމުގެ ފުރުސަތު އުރީދޫއިން ތައާރަފުކޮށްފި އެވެ.

މި ރަމަޟާން މަހަށް ހާއްސަކޮށްގެން އުރީދޫއިން ތައާރަފުކުރި މި ޕްރޮމޯޝަނުގައި ކަސްޓަމަރުން މަދުވެގެން 10ރ ފޯނުން ހަރަދު ކުރެއްވުމުން، އޭގެ ފަސްގުނަ ކުރެޑިޓް އިތުރަށް ފޯނަށް އަނބުރާ ލިބިގެންދާނެ އެވެ.

މި ޕްރޮމޯޝަނުގައި އުރީދޫ ކަސްޓަމަރުންނަށް ރީފްސައިޑްގެ ފަރާތުން އަގުހުރި ތަފާތު އިނާމުތަކެއް ލިބިގެންދާނެ އެވެ. އޭގެ ތެރޭގައި އިންޓަނެޓް ޓީވީ، ސޮނީ ކެމެރާ އަދި ޕީއެސްފޯ ހިމެނެ އެވެ.

ރަމަޟާން މަހުގެ ނިޔަލަށް މި ޕްރޮމޯޝަނުގައި ބައިވެރިވުމުގެ ފުރުސަތު އުރީދޫ ޕްރިޕެއިޑް އަދި ޕޯސްޓްޕެއިޑް ކަސްޓަމަރުންނަށް ވަނީ ހުޅުވާލައިފަ އެވެ.