ރަމަޟާން މަހާ ދިމާކޮށް ޒިގްޒެގުން ބާއްވަމުން އަންނަ ރަމަޟާން ކަޕް ފުޓްސަލް މުބާރާތް ފެށިއްޖެ އެވެ.
މިއީ މިގޮތަށް ޒިގްޒެގުން އިންތިޒާމްކުރި ތިންވަނަ ފުޓްސަލް މުބާރާތެވެ. ޖުމްލަ 10 ޓީމު 2 ގުރޫޕަކަށް ބަހާލައިގެން ކުޅެވޭ މި މުބާރާތުގައި އިއްޔެ ވަނީ ދެ މެޗު ކުޅެފަ އެވެ. ފުރަތަމަ މެޗުގައި ލޮސް ރޯޖޯސް އަދި ލެސް ބުލޫސް ކުޅުނު މެޗު 6-3 ލަނޑުން ކާމިޔާބުކޮށްދިނީ ލޮސް ރޯޖޯސް އެެވެ. އަދި ދެވަނަ މެޗުގައި އަޒްޓެކްސް އަދި ސިއެޓެ އަމީގޯސް ބައްދަލުކޮށް މެޗުވަނީ 4-4 އިން އެއްވަރުވެފަ އެވެ.
ފުރަތަމަ ކުޅުނު މެޗުގައި މޭން އޮފް ދަ މެޗު ހޯދި ލޮސް ރޯޖޯސްގެ ޖާޒީ ނަންބަރު 8 އަހްމަދު މުހައްމަދު (ވެނިސް) ވަނީ އެ ޓީމަށް ތިން ލަނޑު ޖަހާދީފަ އެވެ. އަދި އެޓީމުގެ ޖާޒީ ނަންބަރު 7 ހާމިދު ރަޝީދުވެސް ވަނީ އެ ޓީމަށް 3 ލަނޑު ކާމިޔާބު ކޮށްދީފަ އެވެ. ލެސް ބުލޫސްގެ ލަނޑުތައް ޖަހައިދިނީ ޖާޒީ ނަންބަރު 7 އިބްރާހީމް އަލީ އާއި ޖާޒީ ނަންބަރު 5 އަހްމަދު އަބްދުލް ސައްތާރު އެވެ. އެ ޓީމުގެ ތިންވަނަ ލަނޑަކީ ލޮސް ރޯޖޯސްގެ އަހްމަދު މުހައްމަދު އަތުން ބައިކޮޅަށް ވަން ލަނޑެކެވެ.
ގްރޫޕް އޭގެ ދެވަނަ މެޗުގައި އިއްޔެ ހަވީރު ސިއެޓެ އަމީގޯސް އަދި އަޒްޓެކްސްގެ މެޗު 4-4 އިން އެއްވަރުވި އިރު ސިއެޓެ އަމީގޯސް ގެ ލަނޑުތައް ޖަހައިދިނީ ޖާޒީ ނަންބަރު 6 މުހައްމަދު ދާވޫދު އަދި ޖާޒީ ނަންބަރު 87 އަންވަރު އާދަމް އެވެ. މިއިން ކޮންމެ ކުޅުންތެރިޔަކު ވަނީ 2 ގޯލު ޖަހާދީފަ އެވެ. އަޒްޓެކްސް ގެ ޖާޒީ ނަންބަރު 6 އަހްމަދު އަބްދުލް ރަހްމާން (އިއްލެ) 2 ލަނޑު ޖަހާދީފައިވާއިރު ޖާޒީ ނަންބަރު 11 އަލީ ރިޒާ (ލޭކޮކާ) އަދި ޖާޒީ ނަންބަރު 4 މައުމޫން އަބްދުލް ރަހީމް (މާންބެ) ވަނީ 1 ލަނޑު ޖަހާދީފަ އެވެ. މި މެޗު މޮޅު ކުޅުންތެރިޔަކަށް ހޮވިފައިވަނީ ސިއެޓެ އަމީގޯސްގެ ޖާޒީ ނަންބަރު 6 މުހައްމަދު ދާވޫދެވެ.
މިއަދުވެސް މި މުބާރާތުގެ ދެ މެޗު ކުޅެވޭއިރު މިއަދު ކުޅެވޭ ފުރަތަމަ މެޗުގައި 16:15 ގައި ބައްދަލުކުރާނީ އެސްޓްރެލާސް އަދި ސެވެން ވޮންޑާސް އެވެ. އަދި ދެވަނަ މެޗުގައި 17:15 ކުޅޭނީ ޒޮކޮން އަދި ޓެލްސްޓާރ އެވެ.
ކުޅުދުއްފުށީގައި ފުލުހުން ހިފަހައްޓާފައި ހުރި ބޮގަރާއި ބަނގުރާފުޅިތަކެއް ނައްތާލައިފި
ރަށު ކައުންސިލްތަކަށް ބަގީ ދިނުމަށް އަތޮޅު ކައުންސިލުން ނިންމައިފި
ކުޑަކުދިންގެ ދުވަސް ފާހަގަކުރަން ކުޅުދުއްފުށީ ސްކޫލްތަކުގައި ބޭއްވި ހަވީރު
ނޭކުރެންދޫގައި އަތޮޅު ފެންވަރުގައި ފާހަގަކުރި ކުޑަކުދިންގެ ހަވީރު
