އަފީފުއްދީން ސްކޫލުގެ އިންޓަރ ހައުސް 11ވަނަ ޤުރުއާން ކިޔެވުމުގެ މުބާރާތުގެ ދެގޮފިން އެއްކޮށް، މުޅި މުބާރާތުގެ އެންމެ މޮޅު ދަރިވަރުގެ މަގާމް އާއިޝަތު ޝާލިޔާ އަހުމަދު މުޖްތަބާ އަށް ލިބިއްޖެ އެވެ.
މުބާރާތުގެ ބަލައިގެން ކިޔުމުގެ ގޮފިން ވެސް އެއްވަނަ ހޯދާފައިވަނީ ޝާލިޔާ އެވެ. ބަލައިގެން އަދި ނުބަލާ ކިޔުމުގެ ގޮފި މުޅި މުބާރާތުން ދެވަނައަށް ދެދަރިވަރަކު ހޯދާފައިވެ އެވެ. އެއީ އާއިޝަތު ހަނާން އިލްޔާސް އާއި އުނައިސާ މުހައްމަދެވެ. މީގެ ތެރެއިން އާއިޝަތު ހަނާން އިލްޔާސް ވަނީ މުޅި މުބާރާތުގެ ނުބަލާ ކިޔުމުގެ ގޮފި 1 ވަނަ ހޯދާފަ އެވެ. އަދި އުނައިސާ މުހައްމަދު ވަނީ މުޅި މުބާރާތުން ބަލައިގެން ކިޔުމުގެ ގޮފި 2 ވަނަ ހޯދާފަ އެވެ.
ދެގޮފި އެއްކޮށް މުޅި މުބާރާތުން 3 ވަނައަށް ވެސް 2 ދަރިވަރަކު ލިބިފައިވެ އެވެ. އެއީ އަހުމަދު ހަމްދާން މުހައްމަދާއި މަރިޔަމް މަންހާ ޔޫނުސެވެ. އަހުމަދު ހަމްދާން ވަނީ ބަލައިގެން ކިޔުމުގެ ގޮފިން ވެސް 3 ވަނަ ހޯދާފަ އެވެ. އަދި މަރިޔަމް މަންހާ ވަނީ ނުބަލާ ކިޔުމުގެ ގޮފިން 2 ވަނަ ހާސިލުކޮށްފަ އެވެ.
މިރަސްމިއްޔާތު ޝަރަފްވެރިކޮށްދެއްވާ ހާއްސަ ވަނަވަނައަށް ދިޔަ ދަރިވަރުންނަށް ތަށި ހަވާލުކޮށްދެއްވީ ހދ. އަތޮޅު ކައުންސިލުގެ ނޮޅިވަރަމް ދާއިރާގެ މެންބަރު އަހުމަދު އިބްރާހީމެވެ.
މިމުބާރާތުގެ އެންމެ މޮޅު ހައުސަކަށް ހޮވުނީ ޣާޒީ ހައުސެވެ. 2 ވަނަ މަޖީދީ ހައުސަށް ލިބުނު އިރު 3 ވަނައަށް ގޮސްފައިވަނީ އަމީނީ ހައުސެވެ.
އަފީފުއްދީން ސްކޫލުގެ ހަތަރު ހައުސްގެ މެދުގައި ކުރިއަށްދިޔަ މިމުބާރާތުގައި 113 ދަރިވަރަކު ވަނީ ކިޔަވާފަ އެވެ. އެއީ ބަލައިގެން ކިޔަވާ ގޮފިން 70 ދަރިވަރަކާއި ނުބަލާ ކިޔަވާ ގޮފިން 43 ދަރިވަރެކެވެ.
[yass cats=94]
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
