ޝެއިޚް އަލީ ޒާހިރާއި ޝެއިޚް ސަމީރުގެ ހާއްސަ ދަރުސްތަކެއް ހދ. އަތޮޅުގައި ބާއްވަނީ

ޝެއިޚް އަލީ ޒާހިރާއި ޝެއިޚް ސަމީރުގެ ހާއްސަ ދަރުސްތަކެއް މިރޭއިން ފެށިގެން ހދ. އަތޮޅުގައި ކުރިއަށް ގެންދިއުމަށް ނިންމައިފި އެވެ.

ހދ. އަތޮޅު ކައުންސިލުން އިންތިޒާމްކޮށްގެން ފަށާ މި ދަރުސްތައް ހދ. އަތޮޅުގެ 9 ރަށެއްގައި ބާއްވަން ހަމަޖެހިފައިވާއިރު ޝެއިޚް އަލީ ޒާހިރު ދަރުސް ދެއްވާނީ ނޮޅިވަރަން، ނޮޅިވަރަންފަރު، ހަނިމާދޫ، ވައިކަރަދޫ އަދި ނޭކުރެންދޫގަ އެވެ.

ޝެއިޚް ސަމީރުގެ ދަރުސްތައް އޮންނާނީ ކުޅުދުއްފުށި، ކުމުންދޫ، ނެއްލައިދޫ އަދި ކުރިނބީގަ އެވެ.

މިރޭ ޝެއިޚް ސަމީރު ކުޅުދުއްފުށީގައި ދަރުސް ދެއްވާއިރު ޝެއިޚް އަލީ ޒާހިރު ދަރުސް ދެއްވާނީ ނޮޅިވަރަމްގަ އެވެ.

މާދަމާ ޝެއިޚް ސަމީރު ކުމުންދޫ އަދި ނެއްލައިދޫގާ ދަރުސް ދެއްވަން އިންތިޒާމްކޮށްފައިވާއިރު ޝެއިޚް އަލީ ޒާހިރު ދަރުސް ދެއްވާނީ ވައިކަރަދޫ އަދި ނޭކުރެންދޫގަ އެވެ.

19 ޖުލައިގައި ނޮޅިވަރަންފަރު އަދި ހަނިމާދޫގާ ޝެއިޚް އަލީ ޒާހިރު ދަރުސް ދެއްވާނެއިރު ޝެއިޚް ސަމީރު ދަރުސް ދެއްވާނީ ކުރިނބި އަދި ހަނިމާދޫގަ އެވެ.