އުރީދޫން ތްރީޖީ ޕްލަސް ނެޓްވޯކު ރާއްޖޭގެ އާބާދީގެ 95 އިންސައްތައަށް ފުޅާކުރުމަށް ނިންމައިފި އެވެ.
މި މަޝްރޫއުގެ ދަށުން މުޅިން އައު 64 ރަށެއްގެ އުރީދޫ ކަސްޓަމަރުންނަށް ރާއްޖޭގެ އެންމެ ފުރަތަމަ އަދި އެންމެ ފުރިހަމަ ތްރީޖީ ޕްލަސް ނެޓްވޯކުގެ އިތުރުން އެންމެ ފުރިހަމަ ސްޕީޑާއެކު ފުރިހަމަ ކަނެކްޓިވިޓީ އިތުރު ފުރިހަމަކަމަކާއި އެކު ތަޖުރިބާ ކޮށްލުމުގެ ފުރުސަތު ލިބިގެންދާނެކަމަށް އުރީދޫއިން ބުނެ އެވެ.
“އެއީ އޮންލައިން އެޑިއުކޭޝަނާއި އޮންލައިންކޮށް ވިޔަފާރި ފުޅާކުރުން ވިޔަސް ނޫނީ އެންމެ މަގުބޫލު ހިނދުކޮޅުތައް ސޯޝަލް މީޑިއާ މެދުވެރިކޮށް ހިއްސާކުރުން ކަމުގައި ވިޔަސް އެކަމަށް ނެޓްވޯކް ބޭނުންވޭ. އުރީދޫ އަކީ އެކަމަށް ގާބިލް ނެޓްވޯކް. އަޅުގަނޑުމެން ފަހުރުވެރިވަން ތްރީޖީ ޕްލަސް ނެޓްވޯކް ފުޅާކޮށް އެންމެނާ ހަމައަށް ގެނެސްދެވޭތީ.” އުރީދޫގެ ސީއީއޯ ވިކްރާމް ސިންހަ ވިދާޅުވި އެވެ.
މި އަހަރުގެ ސެޕްޓެމްބަރ ގެ ނިޔަލަށް މި ޕްރޮޖެކްޓް ނިމޭނެކަމަށް ލަފާކުރެވޭއިރު އަލަށް ތްރީޖީ ޕްލަސްގެ ހިދުމަތް ދެވޭ 64 ރަށުގެ ތެރޭގައި ހދ އަތޮޅުގެ ފިނޭ، ހިރިމަރަދޫ، ކުރިނބި، ނާވައިދޫ އަދި ނޮޅިވަރަންފަރު ހިމެނެ އެވެ. މީގެ އިތުރުން ހއ އަތޮޅުގެ 7 ރަށަކާއި ށ އަތޮޅުގެ 5 ރަށެއް ހިމެނެ އެވެ.
އުރީދޫއިން ވަނީ ނެޓްވޯކު ފުޅާކުރުމުގެ ޕްރޮޖެކްޓް މިދިޔަ އަހަރުގެ ޑިސެމްބަރ ގައި ކުންފުނީގެ ރީބުރޭންޑިން ހަފުލާގައިވެސް އިއުލާންކޮށް އަދި އެ ވައުދުގެ ދަށުން ތްރީޖީ ޕްލަސް ނެޓްވޯކު އިތުރަށް ފުޅާކުރުމުގެ މަސައްކަތް ކުރިއަށް ގެންގޮސް އެންމެ ފަހުގެ ޓެކްނޮލޮޖީ އަދި ފުރިހަމަ ހިދުމަތްތަކާއި އެކު އެ ކުންފުނީގެ ކަސްޓަމަރުންގެ ދިރިއުޅުން އިތުރަށް ފުރިހަމަކޮށްދީފަ އެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
