ފަގީރުންގެ ގޮތުގައި ކުޅުދުއްފުށިން ރަޖިސްޓްރީކުރި މީހުންގެ އަދަދު ފާއިތުވި އަހަރަށްވުރެ އިތުރު ވެއްޖެ

ކުޅުދުއްފުށީގައި ފަގީރުންގެ ގޮތުގައި މި އަހަރު ރަޖިސްޓްރީކުރި މީހުންގެ އަދަދު މިދިޔަ އަހަރު ފަގީރުންގެ ގޮތުގައި ރަޖިސްޓްރީކުރި މީހުންގެ އަދަދަށް ވުރެ އިތުރު ވެއްޖެ އެވެ.

ކުޅުދުއްފުށީ ކައުންސިލުގެ ހިސާބުތަކުން ދައްކާ ގޮތުގައި މި އަހަރު ފަގީރުންގެ ގޮތުގައި ކުޅުދުއްފުށިން 1320 މީހުން ރަޖިސްޓްރީ ކޮށްފައި ވެއެވެ. އެއީ މިދިޔަ އަހަރާ ބަލާއިރު 28 މީހުންގެ އިތުރުވުމެވެ. އެހެންނަމަވެސް 2012 ވަނަ އަހަރަށްވުރެ މި އަހަރު ފަގީރުންގެ ގޮތުގައި ރަޖިސްޓްރީކުރި މީހުންގެ އަދަދު މަދެވެ.

މި އަހަރު ފަގީރުންގެ ގޮތުގައި ރަޖިސްޓްރީ ކޮށްފައިވަނީ އުތުރު އަވަށުން 542 މީހަކާއި ދެކުނު އަވަށުން 441 މީހުން އަދި އިރުމަތި އަވަށުން 337 މީހުންނެވެ.

މިދިޔަ އަހަރު ފަގީރުންގެ ގޮތުގައި 1292 މީހުން ރަޖިސްޓްރީކޮށްފައިވާއިރު 2012 ގައި ރަޖިސްޓްރީކޮށްފައިވަނީ 1342 މީހެކެވެ.