ކުޅުދުއްފުށީގައި ޑރ. އިޔާޒް އިމާމުވެ ބޮޑު ޖަމާއަތުގައި އީދު ނަމާދު ކުރުމަށް ހަމަޖެހިއްޖެ

Jul 23, 2014

ކުޅުދުއްފުށީގައި ޑރ. އިޔާޒް އިމާމުވެ ބޮޑު ޖަމާއަތުގައި އީދު ކުރުމަށް ހަމަޖެހިއްޖެ އެވެ.

ކުޅުދުއްފުށީގައި ރަސްމީކޮށް މިއަހަރުގެ ފިތުރު އީދު ނަމާދުކުރަމަށް ހަމަޖެހިފައިވަނީ ޒޯން ސްޓޭޑިއަމްގަ އެވެ.

ރާއްޖޭގެ މަޝްހޫރު ދީނީ އިލުމްވެރިއާ ޑރ. އިޔާޒް އަކީ ރާއްޖޭގައި ފުރަތަމަ ހުސްބިމެއްގައި ކުރެވުނު އީދު ނަމާދުގެ އިމާމުގެ އިތުރުން ފިގްހު އެކަޑަމީގެ ނައިބު ރައީސް ވެސްމެ އެވެ.

ޒޯން ސްޓޭޑިއަމްގެ އިތުރުން މި އަހަރުގެ ފިތުރު އީދު ނަމާދު ކުޅުދުއްފުށީގައި ކުރުމަށް ހަމަޖެހިފައިވަނީ މަސްޖިދުލް ހަޟާރާތުގަ ކަމަށް ކައުންސިލުން ނެރުނު އިއުލާނެއްގައިވެ އެވެ.

އެހެންނަމަވެސް ވިއްސާރަވެ މޫސުން ގޯސްވެއްޖެނަމަ ފިތުރު އީދު ނަމާދު އެހެން މިސްކިތްތަކުގައި ކުރެވޭނެ ކަމުގައިވެސް އެ އިއުލާނުގައިވެ އެވެ.

މިކަން ކުރުމުގައި އިސްކޮށް އުޅޭ ޒުވާނެއް ކަމަށްވާ ހުސައިން އަލީ މިނޫހަށް މައުލޫމާތު ހިއްސާކުރަމުން ވިދާޅުވީ ހުސްބިމެއްގައި ފިތުރު އީދު ނަމާދު ކުރުމުގެ މަގުސަދަކީ ރަސޫލާގެ ސުންނަތާ އެއްގޮތަށް އީދު ނަމާދު ކުރަންކަމުގަ އެވެ.

މިދިޔަ އަހަރުގެ އަޟްހާ އީދު ނަމާދުވެސް ކުރެވުނު ޒޯން ސްޓޭޑިމުގައި މި އަހަރުގެ ފިތުރު އީދު ނަމާދު ކުރަން ހަމަޖެހިފައިވާއިރު މިތަނުގައި 8000 މީހުންގެ ޖާގަ ލިބޭނެކަމުގަ ހުސެއިން ވިދާޅުވި އެވެ.

ކުޅުދުއްފުށީގައި މި އަހަރުގެ ފިތުރު އީދު ނަމާދު ހުސްބިމެއްގައި ކުރުމަށްޓަކައި އެކަމަށް ބޭނުންވާ ފައިސާ ހޯދުމަށް “އައިލެންޑް ފްރީޒް”، “ވަފާ” އަދި “އެމްއޯސީ” ފިހާރައިގައި ފަންޑު ފޮށްޓެއް ވަނީ ބަހައްޓާފަ އެވެ.

މިލިޔުމާއި ގުޅޭ