އެކްސްރޭ ނެގުމުގެ ހިދުމަތް މިހާރު ލިބޭނެ: ކުޅުދުއްފުށީ ރީޖަނަލް ހޮސްޕިޓަލް

ކުޅުދުއްފުށީ ރީޖަނަލް ހޮސްޕިޓަލްގައި ހުރި އެކްސްރޭ މެޝިންގެ ހިދުމަތް މިހާރު ބަލިމީހުންނަށް ލިބޭނެ ކަމަށް އެ ހޮސްޕިޓަލުން ބުނެފި އެވެ.

އެ ހޮސްޕިޓަލްގެ އެކްޓިން މެނޭޖަރ މުހައްމަދު ހަސަން މިނޫހަށް މައުލޫމާތު ދެއްވަމުން ވިދާޅުވީ އެކްސްރޭ މެޝިންގެ ހިދުމަތް އަލުން މިފެށުނީ 7 މަސް ފަހުން ކަމަށާއި ކުރިންވެސް އެކިފަހަރު މަތިން މެޝިންގެ މައްސަލަޖެހި ފައިވާކަމަށެވެ.

މެޝިންހަލާކުވުމާ ގުޅިގެން ހޮސްޕިޓަލުން އެކްސްރޭ ހަދަމުން ދިޔައީ ކުޑަ ޕޯޓަބަލް އެކްސްރޭ މެޝިންއަކުންނެވެ.  މިކަމުގެ ސަބަބުން ހިދުމަތް ލިބިގަންނަން އަންނަ ބަލިމީހުންނާއި ބަލިމީހުން ބަލާ ޑޮކްޓަރުންނަށް ވަނީ އުދަނގޫ ތަކަކާ ކުރިމަތިލާނެ ޖެހިފައެވެ.

ހިދުމަތްތައް މެދުނުކެނޑި ފޯރުކޮށްދިނުމަށް ހޮސްޕިޓަލުން އަންނަނީ މަސައްކަތް ކުރަމުން ކަމަށާއި މިހާރުވެސް ޑެންޓަލް ޗެއާރ ރަގަނޅު ކުރުމުގެ މަސައްކަތް ކުރެވެމުން އަންނަ ކަމަށް މުހައްމަދު ހަސަން ވިދާޅުވި އެވެ.