ނޫރު ޖަމިއްޔާއިން ބެހެއްޓި ޣައްޒާ ފަންޑް ފޮއްޓަށް ތިރީސްއަށް ހާހަށް ވުރެ ގިނަ ރުފިޔާ ލިބިއްޖެ

ފަލަސްތީނުގެ ޣައްޒާއަށް އެހީތެރިވުމަށްޓަކައި ކުޅުދުއްފުށީ ނޫރު ޖަމިއްޔާއިން އިސްނަގައިގެން ބެހެއްޓި ފަންޑް ފޮއްޓަށް ތިރީސްއަށް ހާހަށް ވުރެ ގިނަ ރުފިޔާ ލިބިއްޖެ އެވެ.

އެމްއޯސީ ބުކްސޮޕް، ސަފާޔަރ އަދި ފެހިދޫލަ ފިހާރައިގައި ބެހެއްޓުނު މި ފަންޑް ފޮށިތަކުން ޖުމްލަ 38540 ރުފިޔާ އަދި 10 ލާރި ލިބިފައިވާކަމަށް ނޫރު ޖަމިއްޔާއިން މައުލޫމާތުދެ އެވެ.

އެ ޖަމިއްޔާއިން މައުލޫމާތު ދިންގޮތުގައި މިހާރުވަނީ މި ފަންޑަށް ލިބުނު ހުރިހާ ފައިސާއަށް ޣައްޒާ ފަންޑަށް ހާއްސަ ކުރެވިފައިވާ އެކައުންޓަށް ޖަމާކުރެވިފައިކަމަށެވެ.

ރޭ އެމްއޯސީގައި ފަންޑް ފޮށިތަށް ކަނޑާފައިވާއިރު ފަންޑް ފޮށިތަށް ކެނޑުމުގައި ކުޅުދުއްފުށީ ކައުންސިލުގެ ރައީސް އަދި ނޫރު ޖަމިއްޔާގެ މެންބަރުން ބައިވެރިވެފައިވެ އެވެ.

ނޫރު ޖަމިއްޔާގެ އިތުރުންވެސް ކުޅުދުއްފުށީގައި ވަނީ ހދ. އަތޮޅު ކައުންސިލު އަދި ދިވެހި ރެޑް ކުރެސެންޓް ހދ ގޮފީން އިސްނަގައިގެން ޣައްޒާއަށް އެހީތެރިވުމުގެ ގޮތުން ފަންޑް ފޮށިތަކެއް ބަހައްޓާފަ އެވެ.