ޣައްޒާއަށް އެހީތެރިވުމަށް ރެޑް ކްރެސެންޓް ހދ ގޮފިން “ދޮރުން ދޮރަށް”!

Aug 7, 2014

ޣައްޒާއަށް އެހީތެރިވުމުގެ ގޮތުން ފައިސާ ހޯދުމަށް ދިވެހި ރެޑް ކްރެސެންޓްގެ ހދ ގޮފިން އިސްނަގައިގެން ދޮރުން ދޮރަށް ކެމްޕެއިނެއް ފަށައިފި އެވެ.

ރެޑް ކްރެސެންޓް ހދ ގޮފީގެ ބްރާންޗް ސެކްރެޓަރީ އާތިފާ އަލީ ވިދާޅުވީ މިއަދު ފެށި މި ކެމްޕެއިން މި މަހުގެ ސާދަ އާ ހަމައަށް ކުރިއަށްދާނެ ކަމަށެވެ.

މި ކެމްޕެއިންގެ ދަށުން ކުޅުދުއްފުށީގެ ހުރިހާ ގޭބިސީއަކަށް ދިއުމަށް ހަމަޖެހިފައިވާއިރު މި ކެމްޕެއިނުގައި ރެޑް ކްރެސެންޓްގެ 9 ވޮލެންޓިއަރުން ހަރަކާތްތެރިވަމުންދާ ކަމަށްވެސް އާތިފާ ވިދާޅުވި އެވެ.

މި ކެމްޕެއިނަކީ ފަލަސްތީނުގެ ޣައްޒާއަށް އެހީތެރިވުމުގެ ގޮތުން ރެޑް ކްރެސެންޓްގެ ހދ ގޮފީން ހިންގާ ހަރަކާތްތަކުގެ ތެރޭގައި ހިމެނިގެން ކުރިއަށްދާ ހަރަކާތެކެވެ.

ރެޑް ކްރެސެންޓް ހދ ގޮފިން ވަނީ ޣައްޒާއަށް އެހީތެރިވުމުގެ ފަންޑް ފޮށިތަކެއްވެސް ކުޅުދުއްފުށީގައި ބަހައްޓާފަ އެވެ. އެ ފަންޑު ފޮށިތަކަށް މިހާތަނަށް 8 ހާހަށްވުރެ ގިނަ ރުފިޔާ ވަނީ ލިބިފައެވެ.

މިލިޔުމާއި ގުޅޭ