ރެޑް ކްރެސެންޓާއި “ކެތިއަރާ” ބޮޑު ބެރު ގުރޫޕް ގުޅިގެން ބެހެއްޓި ފަންޑް ފޮއްޓަށް ފަނަރަ ހާހަށް ވުރެ ގިނަ ރުފިޔާ ލިބިއްޖެ

ރެޑް ކްރެސެންޓް ހދ ގޮތްޕާއި ހދ. ހަނިމާދޫ “ކެތި އަރާ” ބޮޑުބެރު ގުރޫޕް ގުޅިގެން ހަނިމާދޫގައި ބެހެއްޓި ފަންޑު ފޮއްޓަށް ފަނަރަ ހާހަށް ވުރެ ގިނަ ރުފިޔާ ލިބިއްޖެ އެވެ.

ފަލަސްތީނުގެ ޣައްޒާއަށް އެހީތެރިވުމުގެ ގޮތުން ރެޑް ކްރެސެންޓް ހދ ގޮފިން ހިންގާ ހަރަކާތްތަކުގެ ތެރެއިން ބެހެއްޓި މި ފަންޑް ފޮއްޓަށް ޖުމްލަ 15984ރ. އަދި 2 ޑޮލަރާއި 2 ރިންގިޓް ލިބިފައިވާ ކަމަށް ރެޑް ކްރެސެންޓް ހދ ގޮފިން މައުލޫމާތުދެ އެވެ.

މިދިޔަ ޖުލައި މަހުގެ 26 ގައި ހަނިމާދޫ ކައުންސިލުގެ ރައީސް ހުޅުވައިދެއްވި މި ފަންޑް ފޮއްޓަކީ “ކެތިއަރާ” ބޮޑުބެރު ގުރޫޕުން އިސްނަގައިގެން ރެޑް ކުރެސެންޓާއި ގުޅިގެން ހަނިމާދޫގައި ބެހެއްޓި ފަންޑް ފޮއްޓެކެވެ.

މި ފަންޑް ފޮއްޓަށް ރުފިޔާ ހޯދުމަށް މި ގުރޫޕުން ވަނީ އެކި އެކި ހަރަކާތްތަކެއް ހަނިމާދޫގައި ހިންގާފަ އެވެ.

ރެޑް ކްރެސެންޓް ހދ އަތޮޅު ގޮފީގެ ފަރާތުން ކުޅުދުއްފުށީ އައިލެންޑް ފްރީޒް ފިހާރައިގައި ބެހެއްޓި ފޮއްޓަށް 6804ރ. އިތުރުން 5 ޑޮލަރު ލިބުނު އިރު ޕިއެރާ 2 ގައި ބެހެއްޓި ފަންޑް ފޮއްޓަށް 1155ރ. ލިބިފައިވެ އެވެ.