ކުޅުދުއްފުށީ ރީޖަނަލް ހޮސްޕިޓަލުގައި ބޭނުންކުރަމުންދިޔަ 3 އެމްބިއުލާންސް ވެސް ހަލާކުވެއްޖެ އެވެ.
މި ނޫހުން ކުރި ސުވާލަކަށް ޖަވާބު ދެއްވަމުން ކުޅުދުއްފުށީ ރީޖަނަލް ހޮސްޕިޓަލުގެ އެކްޓިން މެނޭޖަރ މުހައްމަދު ހަސަން ވިދާޅުވީ މީގެ ކުރިން 2 އެމްބިއުލާންސް ހަލާކުވެފައިވާ ކަމަށާއި 3 ވަނަ އެމްބިއުލާންސް ހުއްޓުނީ ރޭގަ ކަމަށެވެ.
އެއް އެމްބިއުލާންސް މަރާމާތު ކުރަމުންދާއިރު 2 ވަނަ އެމްބިއުލާންސް މަރާމާތުކުރުމަށް އިއުލާން ކުރުމުގެ މަސައްކަތްވެސް ކުރިއަށްދާ ކަމަށް މުހައްމަދު ވިދާޅުވި އެވެ.
މިހާރު ބަލިމީހުން އުފުލުމަށް އެހެން އުޅަނދެއް ބޭނުން ކުރަމުން އަންނަ ކަމަށްވެސް ހޮސްޕިޓަލްގެ މެނޭޖަރ ވިދާޅުވި އެވެ.
މި ނޫހަށް މައުލޫމާތު ލިބިފައިވާގޮތުން މިހާރު ބޭނުން ކުރަމުންދަނީ “ޖޭއޭ ރެންޓަލްސް”ގެ އުޅަނދެކެވެ.
ރޭގަ އެމްބިއުލާންސް ހަލާކުވުމުން އިދާރީ މުވައްޒަފުން އުފުލުމުގައިވެސް ދަތިތަކެއް ކުރިމަތިވި ކަމަށް މިނޫހަށް މައުލޫމާތު ލިބިފައިވެ އެވެ.
ރޭގަ ހަލާކުވި އެންބިއުލާންސްގައި މައްސަލަ ޖެހިފައިވަނީ އެ އުޅަނދުގެ އޯލްޓަނޭޓަރަށް ކަމަށާއި އޯލްޓަނޭޓަރގެ ޗާރޖަރެއް ދިއްދޫއިން ގެނައުމުގެ މަސައްކަތް ކުރަމުންދާކަމަށްވެސް މި ނޫހަށް މައުލޫމާތު ލިބެ އެވެ.
މީގެ ކުރިން ހަލާކުވެފައިވާ އެމްބިއުލާންސްގެ ބުރޭކް ފެއިލްވެ ތެޔޮ ލީކްވާ ކަމަށް މައުލޫމާތު ލިބިފައިވާއިރު މަރާމާތުކުރުމަށް ގެންގޮސްފައިވާ އެމްބިއުލާންސް މަރާމާތުކުރުމަށް ގެންދިޔަތާ ގިނަ ދުވަސްތަކެއް ވަނީ ވެފައެވެ.
ކުޅުދުއްފުށީ ހޮސްޕިޓަލުގައި ބޭނުން ކުރަމުން އަންނަ ހުރިހާ އެމްބިއުލަންސްތަކެއް ހަލާކުވެފައިވާއިރު، ހޮސްޕިޓަލުގައި ބޭނުންކުރާ ބައެއް އެހެނިހެން ވަސީލަތްތައް ވެސް މަރާމާތު ކުރުމުގެ މަސައްކަތްވަނީ ފަށާފައެވެ. އެގޮތުން ގިނަ ދުވަސްތަކެއް ވަންދެން ހިދުމަތް ނުދެވި ހުރި އެކްސްރޭ މެޝިން މަރާމާތުކޮށް މިހާރު އެ ހިދުމަތް ވަނީ ދޭން ފަށާފައެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
