ބޯޓް ދަތުރު ކުރުމާ ބެހޭ ކުރު މުއްދަތު 4 ކޯހެއް ސެޕްޓެމްބަރ މަހު ކުޅުދުއްފުށީ ކެމްޕަހުގައި ފެށުމަށް ހަމަޖެހިއްޖެ އެވެ.
މި ނޫހަށް މައުލޫމާތު ދެއްވަމުން ކުޅުދުއްފުށީ ކެމްޕަހުގެ މެނޭޖަރ އިބްރާހިމް މުހައްމަދު ވިދާޅުވީ ކުޅުދުއްފުށީ ކެމްޕަހުގައި ފަށަން ހަމަޖެހިފައިވަނީ އެންޓި ޕައިރަސީ އެވެއާރނެސް، ޕްރޮފިސިއެންސީ އިން ޝިޕް ސެކިއުރިޓީ އެވެއާނެސް، ޕްރޮފިސިއެންސީ އިން ޑެސިގްނޭޓެޑް ސެކިއުރިޓީ ޑިއުޓީސްގެ އިތުރުން މެރިން އެންވައިރަމެންޓަލް އެވެއާނެސް ކޯސް ކަމަށެވެ.
އެގޮތުން އެންޓި ޕައިރަސީ އެވެއާނެސް ކޯހަށް ވަނުމުގެ ފުރުސަތު 1 ސެޕްޓެމްބަރގައި ހަމަވާއިރު ކޯސް ފެށުމަށް ހަމަޖެހިފައިވަނީ 7 ސެޕްޓެމްބަރުގަ އެވެ. މި ކޯހުގެ ފީއަކީ 475 ރުފިޔާ އެވެ.
ޕްރޮފިސިއެންސީ އިން ޝިޕް ސެކިއުރިޓީ އެވެއާނެސް ކޯސް 9 ސެޕްޓެމްބަރ ގައި ފެށުމަށް ހަމަޖެހިފައިވާއިރު ކޯހަށް ވަނުމުގެ ފުރުސަތު ބަންދުވާނީ 3 ސެޕްޓެމްބަރގަ އެވެ. މި ކޯހުގެ ފީއަކީ 670 ރުފިޔާ އެވެ.
ޕްރޮފިސިއެންސީ އިން ޑެސިގްނޭޓެޑް ސެކިއުރިޓީ ޑިއުޓީސް ކޯސް 14 ސެޕްޓެމްބަރު ގައި ފެށުމަށް ހަމަޖެހިފައިވާއިރު މި ކޯހަށް ވަނުމުގެ ފުރުސަތު ބަންދުވާނީ 8 ސެޕްޓެމްބަރުގަ އެވެ. މި ކޯހުގެ ފީއަކީވެސް 670 ރުފިޔާ އެވެ.
އަދި މެރިން އެންވައިރަމެންޓަލް އެވެއާނެސް ކޯހަށް ވަނުމުގެ ފުރުސަތު 10 ސެޕްޓެމްބަރު ގައި ހަމަވާއިރު މި ކޯސް ފެށޭނީ 16 ސެޕްޓެމްބަރުގަ އެވެ.
މި ހަތަރު ކޯސްވެސް ނަގައިދިނުމަށް ހަމަޖައްސާފައިވަނީ 10 ގަޑިއިރު މައްޗަށް ބަހައިލައިގެންނެވެ. މިއިން ކޮންމެ ކޯހެއްވެސް ކުރިއަށް ދާނީ ދެ ދުވަހު އެވެ.
ހަނިމާދޫ އެއާޕޯޓްގައި ސީޕްލޭން ޓާމިނަލެއް ގާއިމްކުރަނީ
ރަޖިސްޓްރީނުކޮށް ހުރި ގޯތިތަކާއި ސާފުނުކުރާ ފަޅު ގޯތިތަކުގެ މައްސަލާގައި ކައުންސިލްގެ ހަރުކަށި އެންގުމެއް
ޑޮލަރު މާރުކުރުމަށް ބަދަލުތަކެއް
ކުޑަކުދިންގެ ޑޮކްޓަރު އަފީފް ކުޅުދުއްފުށީ ހާޖީ މެޑިކަލް ކުލިނިކަށް
