ގައުމީ ޔުނިވާސިޓިގެ “ފަހިދުވަސް” ކުޅުދުއްފުށީ ކެމްޕަހުގައި ހުކުރު ދުވަހު ފަށަނީ

ގައުމީ ޔުނިވާސިޓީގެ “ފަހި ދުވަސް” މި ހަފުތާގެ ހުކުރު އަދި ހޮނިހިރު ދުވަހު ބާއްވާގޮތަށް ހަމަޖެހިއްޖެ އެވެ.

ގައުމީ ޔުނިވަރސިޓީން މައުލޫމާތު ދޭ ގޮތުގައި ފަހި ދުވަހުގެ ހަރަކާތްތައް ކުރިއަށް ދާއިރު 2015 ވަނަ އަހަރުގެ ޖެނުއަރީގައި ޔުނިވަރސިޓީން ކުރިއަށް ގެންދާ ކޯސްތަކާ ބެހޭ މައުލޫމާތު ފޯރުކޮށްދީ، ދަރިވަރުން ކުރިއަށްދާނެ ދާއިރާއެއް ޚިޔާރުކުރުމަށް އެހީތެރިވެދީ، ސެޓްފިކެޓްތައް ހިލޭ އެޓެސްޓްކޮށް އެޕްލިކޭޝަން ފޯމް ފުރުން ކުރިއަށްދާނެ އެވެ.

ކުޅުދުއްފުށީ ކެމްޕަހުގެ މެނޭޖަރ އިބްރާހިމް މުހައްމަދު ވިދާޅުވީ އަންނަ އަހަރު މުޅިން އަލަން އެ ކެމްޕަހުގައި ފެށުމަށް ހަމަޖެހިފައިވަނީ ޑިޕްލޮމާއިން ޝަރީޢާ އެންޑް ލޯ ކަމަށެވެ.

އެޕްލިކޭޝަން ހުށަހެޅުމުގެ ފުރުސަތު ހުޅުވާލާނީ މި މަހުގެ 21 ގައި ކަމަށް ޔުނިވަރސިޓީގެ ކުޅުދުއްފުށީ ކެމްޕަހުން މައުލޫމާތުދެ އެވެ.

ޖުމްލަ 8 ފެކަލްޓީގެ 28 ކޯހަކުން، 760 ދަރިވަރުންގެ ޖާގަ ކުޅުދުއްފުށީ ކެމްޕަހުގައި އަންނަ އަހަރަށް ހުޅުވާލެވިފައި ވެއެވެ.

ޔުނިވަރސިޓީގެ ފެކަލްޓީތަކުން ހިންގާ ކޯސްތަކާބެހޭ މައުލޫމާތު ފޯރުކޮށްދިނުމަށް ކޮންމެ އަހަރަކު ވެސް މިފަދަ އޯޕަން ޑޭ އެއް އެ ޔުނިވަރސިޓީން ހިންގަ އެވެ.